賀川豐彥先生的人格和事業

 

首頁Home / 日文文章 / 日人列傳總檔  / 本土信徒總檔  / 宣教師人物總檔 / 外國神父修女列傳總檔/Google Search 網內搜尋

周天來撰  原題「賀川豐彥kap伊e5說教」《台灣教會公報》829期1958年1月p.16-17 (白話字)

賀川豐彥 (Kagawa Toyohiko, 1888.7.10 - 1960.4.23) 是日本聞名於世界的基督教社會運動家、傳道家。


日本最初的世界宣教者

(1957)內,有接著公報e5主筆李嘉嵩牧師e5批,愛我ti7新年號e5公報來簡單介紹賀川先生e5略歷kap翻譯伊e5講道一篇。筆者感覺真恐怖,不配做這个事。總是已經受交託,也毋敢推辭,照所知影淡薄關係賀川先生e5人格kap伊所貢獻ti7日本偉大e5事業排列ti7下面;特別對第二次大戰結束以後,戰敗e5日本對伊e5努力來得著信仰e5復興kap福音e5大普遍,這个消息穩當濟濟人愛知。筆者寫這篇文有參考東京約旦社(ヨルダン社)最近出版e5 《信仰偉人群像》最後e5這篇「賀川豐彥」

賀川豐彥出世ti7 1888年7月10日,ti7日本e5神戶市。彼時伊e5老父(賀川純一)有辭元老院書記官e5職,經營運送業;5歲e5時失落爸母,以後ti7德島縣成長,12歲讀遐e5中學,14歲時想欲學英語,就出席ti7宣教師羅眼牧師(Rev. Charles A. Logan,的聖經班,順紲接受基督e5福音。伊看著這位宣教師甘願獻全身全能,全生涯ti7日本,就講,「我愛學羅眼先生,照伊e5款式。」Thang知對這位宣教師e5感化,賀川有得著一款e5氣力,變做今仔日這款e5人。後來閣有這位宣教師名叫馬耶斯(Drs. Harry W. Myers) ,來傳道,猶原對伊得著種種e5指導;ti7聖經班有讀著路加12:27-31e5記事,受著真大e5靈感( inspiration),聽見上帝e5聲真強鑽入伊e5心內講,「你愛求純潔mah?Á是變做不良你也無要緊?設使你若想愛除去心內e5污穢,入ti7純潔的生涯,你就著親像曠野e5百合花,閣重再看天地e5款式。」德島中學畢業後,16歲對馬耶斯受洗禮,讀神戶神學校,決意獻身做傳道者。

賀川得著這款召命e5感激入神學,總是無久患了肺病,雖然轉地療養,病勢沉重,對醫生受著死e5宣告,就拚伊一身落去貧民窟,phoe命傳基督e5福音ti7無賴漢,浮浪者e5中間;肉體e5血氣枯衰,基督e5寶血灌入伊e5心內,毋若改造靈性純潔,豐富e5活命,連肉體e5病症也得著醫好!「天父ah!求你賞賜我這个貧民窟,也將神戶賞賜我,求你將信仰,疼情kap正義e5火燄燒著ti7我所疼e5日本,」這就是伊當時e5祈禱。賀川講,「上帝是疼,到to2-loh8去我也欲講上帝是疼。總是毋是kan-ta講目睭所無看見e5上帝是疼,就是欲講大家相疼e5所在,ti7遐的確有上帝kap活命e5出現!20世紀e5文明無疼,是疼e5飢荒lah。疼會創造世界,疼會保持世界,疼是上帝e5本質。我是疼e5奴隸,有疼e5所在才有上帝,有活命,疼是我e5一切。」

19149月,賀川去美國讀普林斯敦大學,1917年閣轉來,猶原ti7貧民窟傳道。以後伊e5傳道漸漸有帶社會運動e5色彩,設立無料(免費)施療友愛救濟所,齒bín工場e5經營,進出ti7實際e5方面。1920年參加川崎造船所e5勞動爭議,提倡無抵抗主義,盡力ti7勞動運動e5指導。1930年到1932年,基督教各派協同的 「神國運動」有請賀川做講師,就開始全國的e5傳道活動。1932e5年頭賀川也有到台灣,ti7島內各都市巡迴教會紲傳福音;用伊雄辯e5口才干證主e5道理。

伊有興起真濟e5事業。基督教產業青年會,日本農民福音學校,消費組合,醫療利用組合,基督教新聞社等。伊閣創設「耶穌的朋友會,」圖謀信仰e5團結,ti7各地方出力建設教會。

19485月日,老母日e5禮拜了後,ti7伊所牧會e5日本基督教團松澤教會有開傳道40e5感謝祈禱會。真濟感謝kap祝詞e5了後,賀川e5婦人人春子徛起來講,「賀川用軟弱e5身體40年久會通傳道,攏是對上帝e5chhoa7  kap恁大家熱心e5祈禱所得e5恩賜。」 1949年受英國e5招待,也閣去美國,ti7英國予人叫伊做「現代的聖佛蘭西思(芳濟各,St. Francis of Assisi) 」,「20世紀最偉大e5人物;」Ti7美國予人稱做「kap印度e5甘地siang5e5人物。」1950e5夏天,賀川ti7挪威國傳道,竟然有35千人聚集聽伊e5講道,是建國以來第一盛大e5聚會。對彼日起挪威e5委員就準備欲推薦伊做諾貝爾和平賞e5候補者。

賀川也是真博學e5人,有人講伊e5頭腦可以做百科全書e5字典;著冊約有300本,ti7遮介紹淡薄:《盤過死線》 (原書名《死線を越ぇて》),《一粒麥》,耶穌e5人類愛e5內容,對付苦難e5態度,處世讀本,宗教讀本,愛e5科學等。有人稱伊做小說家,講伊e5小說是理想小說;總是照筆者看,毋是kan-ta理想,是有「使命」有「預言」ti7彼內面;所以通講是一个理想主義者(idealist),同時也是一个實在論者(realist)。伊e5本質,照文學者看,是一个詩人,為著按呢,伊也會通做一个小說家。「上帝是疼,」是賀川e5���美詩!Ti7彼中間有上帝e5權能,賜予這个賀川變做世界e5偉人。

  

                                                             

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述