岩崎敬太郎先生小傳

 

首頁Home / 日文文章 / 日人列傳總檔  / 本土信徒總檔  / 宣教師人物總檔 / 外國神父修女列傳總檔/Google Search 網內搜尋

陳清義撰 「岩崎先生的小傳」 《台灣教會公報》 593號 1934年 8月 p. 30-31 , 原文是白話字。岩崎敬太郎 (Iwasaki Keitaro) 是台北組合教會的信者,1934年7月11日別世  

岩崎敬太郎先生,是東京築地的人。 真早就來台灣,所以台灣話真知影,佮台灣人相識真濟;所以常常人佮伊講話的時,soà boē記得伊是內地(日本)人。31年前,阮來艋舺的時(按 陳清義於1903年任艋舺教會傳道,1906年被封立為牧師),就����相識,也捌聽見伊講,伊捌看見偕(偕叡理)牧師,彼霎伊teh做台北地方法院的通譯。
後來漸漸相識,佮北部教會真有關係。 教會所抵著的事,伊真歡喜鬥幫贊(協助),來設法到好勢。
引較要緊的,一兩項來講:二十外年前。 台灣人猶未有「財團法人」,雖然我有the̍h東京富士見町教會財團法的規則來參考,猶久佇台灣猶未有民法,真oh得設法。 吳(吳威廉)牧師有去找北川辯護,來請問伊這層事,一choā謝禮10箍(日圓),幾若choā,到尾也是無彩工。 後來有託岩崎先生來鬥幫贊設法,佮登記所長,台北州,總督府來參詳真正到大正5年 (1916年),chiah(才)得著許可。 對彼霎到今,北部教會的拜堂佮土地真穩當。
雖然按呢,拜堂的土地納稅不止濟,親像艋舺拜堂,一年納稅著59箍,不止濟,我就佮岩崎先生參詳,看有法度通佮政府參詳,看會親像宮廟免稅boē? 伊就佮台北州參詳,也問總督府幾若位的意見,後來託偕先生去見長官幾若擺。 到尾有得著允准,in就將拜堂的地目變更,就是拜堂的地目建物許地換做寺廟許地,tuì彼霎起,拜堂免稅。 不論甚麼宗教攏免稅。 這个也是岩崎先生的幫贊。 以外猶有真濟項,毋免講,不過20 外年,有幫贊北部的教會。 今年北部的中會有賞伊500箍,因為伊真久做北部教會傳道局的囑託。
毋旦按呢,伊也做真濟款的囑託:做台灣總督府的囑託,做司令部的囑託,做專 賣局的書記,兼警察官練習所做先生,教示台灣話。 著冊幾若本:《日台言語集》,最近做文教局的囑託,(協助編)著(台日大字典),已經完成,用真濟年的苦工,有功勞。 本島語學界的權威者,算是第一人;也有做台北州警務部囑託。 近來做軍部的囑託,活動佇對岸,有偉大的勢力,將來的確有利益佇國家。
真可惜抵著癆病,忽然過往。 伊有一個查某囝,現時佇救世軍,做救世軍的大尉。 今年5月有結婚,佇東京救世軍的本營teh辦代誌,現時先生娘佮一個細囝猶tī-teh,請大家替伊祈禱。 伊是台北組合教會的信者。岩崎先生 佇7月11日下晡8點10分別世,18日下晡4點佇台北組合教會拜堂葬式,享壽54歲。 聽見伊忽然間過往,聽見的人,逐个真毋甘,大家真數念伊。
這日來赴葬式,內台人有300外人,雖然有抵著風雨真透,猶久大家無嫌艱苦,歡喜來赴,做式的時就好天。 三井榮次郎讀聖經,原牧師說道,編修課代表,軍部代表,語苑代表,大同促進代表,組合教會代表,以及幾若位有志有讀弔辭,弔電有70外通,了後伊的小弟有共大家說謝。 佇式場的台前,有各方面的花環擺到無路,姑不將囥佇拜堂外面仔。 內地人佮本島人會hiah親善,通講是真罕得有。
新撰日臺言語集.. 岩崎敬太郎. 日臺言語集發行所, 1916 - 687 pages
《羅馬字發音式台灣語典》供日本人學習台灣閩南語的教科書與工具書,日治時期由台灣總督府翻譯官岩崎敬太郎編撰,採羅馬字發音式。1922 臺北: 臺灣語典發行所, 154頁 1922-1931年間總共發行七個版次。
《台日大辭典》(1931~1932)  

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述