朱約安姑娘小傳(潘筱玉)

朱約安姑娘小傳 ( Miss Joan Stuart, 1851-1931 )

 

頁Home /本土信徒 / 日人列傳 /宣教師 / 洋神父 / 原住民 / A / B / C / D / E / F / G /  H / I-J / K /  L /  M  / N-O / P-Q / R / S / /  V / W  

高潘筱玉揮淚記 「朱姑娘小傳台灣教會報55519316p. 1-3 原文是白話字。

按:朱約安姑娘(Miss Joan Stuart, 1851-1931) 和文安姑娘(Miss Annie E Butler) 同時於188512月到台:在台31年,於1917年返英國。撰高潘筱玉(潘阿金, 1878-1944) 是府城長老教女學首屆畢業生,適高金聲牧師(參見《教會史話》333 內社出身的潘阿金334335491 )


Ti7 1851年,朱姑娘 ti7蘇格蘭出世,細漢e5時父母徙去英國北爿一個城名叫S. Shields ti7 hia 徛起。 伊有四個大姐,一個兄,伊是煞尾()囝。 boe7過來這爿teh 教學校,閣禮拜日teh幫贊in本所在e5主日學,兼彈琴。

Ti7 1885e5年尾kap文姑娘作伙來台灣。 1887年,新曆214號,in就開設女學校。 Tuì彼霎就盡力教育女子,以及巡視會友,去教會教姊妹捌聖經。 1891年歇任轉去,可惜無看著老父kap一個大姊,伊ti7這爿e5時,in已經過身。伊感覺台灣人e5欠缺,就是助產,所以應用歇睏e5時間去學,到成功閣過來e5時陣,就大幫贊婦人人生產e5代誌,伊對ti7這方面來報傳主e5福音。伊25年久佇ti7台南做工,到1910chiah徙去彰化,ti7中部彼方面為主著磨。 1917年倒去in本國,無閣來台灣,因為身軀軟弱boē堪得做工。

彼霎轉去e5時歐洲戰爭e5路尾年,be7得通去英國,所以去加拿大,到戰爭煞chiah轉去英國。 彼時伊e5老母kap一個大姊已經過身了,chiahkap伊兩個無出嫁e5大姊做伙徛ti7蘇格蘭e5南爿,名叫Ayton 四年前彼个較濟歲e5大姊離開世間,到舊年煞尾e5大姊也過身。 經過chia e5代誌了後身軀真軟弱,心肝攏無向世間,不止數念天堂。 後來kape5外甥做伙徛。 到今年35號得著腦溢血e5病,連便毋知人,in外甥夫婦照顧伊,到7號,就離開世間轉去天父兜。 伊猶一個兄,離伊真遠,亦閣真老,be7起床,所以in兩人久久無通相見面。

朱姑娘是熱心敬虔e5人,伊下好e5地基,ti7台灣女界這方面,伊毋旦教學生平常e5學問,伊亦教學生對重交陪上帝,所以ti7安歇e5伊真要緊,毋准各方面小可侵犯,彼日通日攏是做聖工,kap修養靈界。 伊教女學,就愛學生攏做真e5基督徒,後來全校e5學生,果然得著聖神充滿,決心認主做in e5主。 Tui3 彼霎學校的e5學生攏換做新。

伊佈道無厭sian3,若去探會友無論去to位,毋捌拍損機會,攏是報傳主e5道理。有時抵著熱閣嘴乾,毋捌嫌,予人厭賤也無餒志,的確欲為主做到成功,閣伊若去逐教會教白話字,是要緊愛人讀聖經,chiah會捌上帝e5疼痛,所以無嫌路途遠涉,peh山落嶺,捌無食無睏,本身經過濟濟e5路,去利益人。 伊毋旦利益姊妹,亦要緊傳道先生娘ti7教會著為主出力著磨做工,就幾若擺開女師會來奮興in,閣指示in 按怎利益人。 烏呼哀哉! 親像這號人實在oh得通找。 若欲寫伊e5代誌;亦毋是筆墨通形容,閣紙面e有限,不過寫淡薄來記念伊ti7台灣32年久,為主盡忠做工,今伊直接e5工已經明白,總是間接e5工,猶ti7台灣 teh活。 望咱大家也通來學伊e5樣,致意ti7頭前e5事,向所插e5標來走,到得著上帝ti7基督耶穌,tui3頂面召咱e5賞。

 

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述