楊著余饒理小傳

余饒理先生 (Mr.George Ede, 1855-1905)

 

頁Home /本土信徒 / 日人列傳 /宣教師 / 洋神父 / 原住民 / A / B / C / D / E / F / G /  H / I-J / K /  L /  M  / N-O / P-Q / R / S / /  V / W  

楊士養撰漢文陳憲國譯為白話字《女宣月刊》77期,19665月;玆錄其漢羅台文。

漢文版見於《台灣信仰名人略傳.第二集》p.5-7 196912月。

關於余饒理先生,可參見《教會史話》310, 311, 365, 366:關於他著三字經註解,可參見《教會史話》312


余饒理先生出世ti7英國,讀愛丁堡師範學院(Moray House, Edinburgh),受訓練做教育專門家。伊受英國長老教會派遣,1883kap余先生娘來台灣。伊tiam3台南學台灣話,然後受派做頭一位負責教育e5宣教師。來過幾月日後,就家己去台南神學校逐日教學生寫羅馬字;對an2-ni thang知伊e5熱誠kap勤勉。余先生ti7台灣做工攏總有13年久。今ai3將伊所做e5工簡記ti7下面:

1. 教育e5工作(創設中學)。

台南教士會派余先生設法建設中學以後,伊就盡力籌備,到1885921日正式成立,余饒理先生做第一任校長,校名叫做「台南長老教中學」,地點ti7二老口現在博愛路盲啞學校附近。起頭是簡單,用舊樓做臨時校舍。今才tui3各教會e5小學來e5學生只有10名,到年尾才加添到20名。雖是an2-ni,iau2-ku2大家真純真,熱心愛讀冊。

余先生辦理學校,有真非常e5熱情,真gau5計劃。總是當時e5校舍真狹,koh舊樓有著白蟻真傷重,續變成危險家屋。1890年,因為感覺這間校舍真危險,所以姑不障將hou7學生攏倒去,學校暫時停睏。余先生盡力計劃設法,ai3 koh建築新e5校舍。有有志e5奉獻,特別是英國格拉斯哥長老教會神學校(Free Church College, Glasgow) e5學生有募集500英磅,寄過來做這間學校e5建築費。這攏是余先生拚盡伊e5心血,才會thang得著完成。這間新校舍是建築ti7新樓e5西南角。1894年重新開學,會thang收容60名學生。實在thang感謝上帝。

1896年余先生建議ti7長老教中學應該著教日語kap英文;因為這是合時代e5要求。伊也非常關心ti7教會內有chiaN5千名已經受洗禮e5兒童e5教育。創設中學以後,余先生就提倡著設師範學校,來養成教會小學e5教員。當時真濟教會有設小學,總是無專門e5教員,傳道先生逐日教囡仔續牧會,禮拜日自然著講道。這項設師範學校e5計劃雖然無得著實現,iau2 m7 ku3余饒理先生對教育e5熱誠,hou7人真欽佩。

2、文字e5工作(撰著《三字經註解》)。

余先生知影有真非常濟中國人,雖然詳細研究《四書》kap《五經》,總是無致意研究《三字經》。細漢e5時雖然閱念《三字經》,總是m7知真實e5意義。伊知影這本有關係中國歷史kap濟濟好e5教訓。所以就盡力研究,用羅馬字來寫一本《三字經新撰白話註解》。這本冊hou7人讀了快明白,因為m7 na7逐字有寫字音kap解釋,koh也詳細排列hiah e5 kap歷史有關係e5資料抑是故事。

Tui3這本冊出版,實在不止有大利益人。1894年第一版印800本,後來到1904年第二版印2000本。余饒理先生是英國人,toa3台灣kan ta 13年久na7 tiaN7,會thang研究中國歷史到hiah清楚。Koh會曉編著這本《三字經新撰白話註解》,實在nou7人真thang感激數念。

3、其他e5工作。

余先生也不止關心人民e5生活;koh也訓練真濟青年熱心服務教會,本身行做頭前hou7人看伊e5樣。人嫌費氣無ai3e5工,伊歡喜做。當時ti7台灣有一項歹e5習俗,就是有人ai3用囡仔來買賣。伊看著這號賣囡仔e5事,就好膽反對。伊也組織聯誼會,大家聚集相kap交陪,來交換意見。Koh也致意鼓舞人著用白話字。余先生ti7各方面e5工作,攏盡伊所有e5力來做,來幫贊人。Ti7這中間余先生娘e5kap貢獻真大。In ti7教士會kap台灣人e5中間,待人接物攏有受著真好評, hou7人不止敬重。

4、余先生離開台灣kap別世。

因為余先生娘toa3台灣,風土氣候boe7合,常常tu2著破病。所以著趁醫生e5意見姑不障離開台灣,搬去廣東e5客庄五經富。向望先生娘徙去toa3 hiakhah勇健。18969月夫婦就離開台灣chiah e5親友,徙去新e5任地。余先生去五經富了後,koh tiam3 hia做工10年久。Ti710年久e5中間,伊管理小學也經營冊房。到190517號,受主召伊倒去享受永遠e5安息。台灣e5宣教師kap眾信徒,以及社會e5人士聽著這個消息,無m7感覺傷悲。教士會寫批安慰余先生娘,koh也寫批寄去五經富表示同情。

 

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述