|
林俊育、劉敏貞撰 《第十屆台灣語言及其教學國際學術研討會論文集》陳麗君主編 國立成功大學台灣文學學系、台灣語文學會 2014年10月25、26日 2-2 台灣語言的接觸、融合與演變 52 p.1-15。詳全文 發表人 ：林俊育 Lîm Chùn-io̍k kah劉敏貞Liù Mén-chṳn 摘要 台灣長老教會通用ê台語聖經是1933 年出版ê白話字聖經，就是廈門話ê《巴克禮修訂版聖經》（Amoy Romanized Bible），kah現今台灣普遍腔ê台語約10%無仝款。1973 年有天主教kah基督教合譯ê 《紅皮聖經》，m̄-koh 華語化真嚴重。2007 年台灣聖經公會出版《現代台語新約聖經》有kā廈門話修改做台語，m̄-koh iáu是「沿用其習慣ê泉州腔口」。 《全民台語聖經》是用《巴克禮修訂版白話字聖經》做基礎，kā原底ê廈門話改做現代普遍腔台語，並kā英語語法kah和合本ê華語語法改做台語語法。現代台語「普遍腔」是根據「教育部常用詞辭典」ê「優勢腔」，khah偏向南部腔/內埔腔，因為北部人khah無teh講台語，北部腔/海口腔就án-ne變做弱勢腔，he是真自然ê現象。 外國人名kah地名，到taⁿ iáu是kā華語ê漢字讀做台語音，像「宙斯/ Zeus」tī《現代台語譯本漢羅版—新約聖經》to̍h寫做 “Tiū-su”。咱台語m̄-thang去hō͘華語漢字縛死去，tio̍h hō͘ 外國人名kah地名盡量接近原文發音。《全民台語聖經》參考原文，kā所有ê人名kah地名盡量照原文讀音來標音。 追求「有主體性ê台灣母語」是《全民台語聖經》當teh努力ê目標。 關鍵字：巴克禮白話字聖經、紅皮聖經、全民台語聖經、主體性 |