李甘雨長老小傳

 

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

王廷源撰 「故甘雨,李長老小傳」《台灣教會報》532卷,1929年7月

李甘雨長老是1874年舊曆2月9日出世ti7台南的菜市埔。Ti7 1929年舊曆3月9日ti7歸仁北過身,享壽56歲。

李長老原本ti7台南做執事真久,人人o-lo2-伊誠實古意。伊有kap英國先生安(彼得,Dr. Peter Anderson)醫生學醫術,卒業了就ti7台南開業。Hit-tiap8 tu2是楊世註牧師iau2 ti7台南的神學在學,差不多20外年前的事。後來ti7 佳里開業,hia e5兄弟姊妹亦o lo2伊,ti7 hia有當長老。

主e5旨意ti7 10外年前對ti7伊的眠夢中有看著真濟項的好兆頭,對an2 ni-伊就決意來歸仁北。人真敬重伊,伊亦十二分的gau5疼人, gau5幫贊散hiong人。教會後來就揀伊做長老。歸仁北的(聘)請牧師kap起禮拜堂也是得著伊非常的著磨,m7但獻伊的錢,也獻伊的氣力,伊亦對澎湖koh題(募款)1000 箍來做建築禮拜堂的路用。

伊真gau5為著教會祈禱,ti7祈禱會伊真致意出席,較暗亦整火chhoa7伊的家內的人以及薪勞(員工)來赴祈禱會。

伊kai3盡忠單純無彎khiau,人若問伊甚mih話,伊就直直講明,hou7人無糊混。伊亦真致意佈道,m7 na7 an2 ni,亦捷捷探會友,教會內的喪喜事以及會議,伊盡本份赴會,gau5負擔責任。伊也做長老小會的書記。伊真gau5照顧傳教家,若tu2著破病伊本身時常來照顧。論題緣(募款)的事伊真出力,雖然無偌濟 iau2 ku2-是盡伊所做會到的去做,m7 na7 gau5 出錢也gau5出物做教會的路用。

到幾年前tauh8 tauh8 -講時beh到lah- Ti7 1929年2月9日 ti7台南病院倒來,食藥漸漸無功效。

到3月8日就家己起來四界行遊真歡喜,食東食西,亦kap薛金瑞先生講話到暗。到隔早起9日午前5點,就ka7伊的家內的人講,今我beh睏lah,就倒落去喘1個大氣,萬事清楚煞世間事,受榮光的主接納相kap tiam3,享受福氣(馬太25:23)

隔日就請潘道榮牧師來舉行葬式,會內會外100外人來赴。葬式聽見的人逐個都講可憐、無采。伊iau2有chhun的遺族8個,大查某子(李赤)嫁紀溫柔教師。第二個嫁吳奇(日本齒科大學在學)sang3。Iau2有的查某子攏有讀冊,第3個翠錦sang3舊年女學卒業。

總講伊有幾若項thang hou7咱學:

1. 伊對教會盡忠盡職,連到beh死的時 iau2 ku2 te間教會an3 choaN3-?

2. 伊對社會盡伊的義務,人人都尊敬伊。

3. 伊對家庭有盡力做好品行,引chhoa7照顧伊的家庭。

今向望列位ti7祈禱的中間數念伊的遺族,是心所願。
          

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述