數念滿雄才牧師

楊士養撰 「退休宣教師--滿雄才牧師略歷」《台灣教會公報》1045/1046號合刊 1969年1月

西曆1895年(就是日本領台hit年)，有3位英國e5宣教師siang7日到台南，就是蘭醫生(蘭大衛，Dr. David Landsboroug)， 梅牧師(梅監務，Rev. Campbell N. Moody) kap 廉牧師(廉得烈，Rev. AB Nielson, M. A.)。1909年11月17日koh三個宣教師siang7時到台灣，就是滿雄才牧師(Rev. W. E. Montgomery)，連瑪玉姑娘 (Miss Marjorie Learner ，就是後來e5老蘭醫生娘) kap 孟姑娘(Miss. Annie Benning，護士)。 滿雄才牧師，1909年來台灣， 1936年回國，1968年別世，享壽87歲。

伊ti7台灣40年久，所做e5事大略記幾na7項:

TaN-chiah來台灣iau5是一位青年，經過幾年久e5訓練，後來成做有為e5宣教師。伊bat受派做台灣第一回大會 (1912年) e5議員(南北各20名)。 Bat擔任教會公報e5主筆兼經理； koh也bat做傳道局長，長老教中學e5校長，台南神學院e5院長等chiah e5要職。

Ti7長老教中學做校長e5時， 黃俟命牧師ti7 hia做宗教主任。有一擺tu2著學生罷學，黃俟命牧師趕緊走去kā伊講， "滿牧師ah！ khah緊來去，學生beh 罷學lah！" Hit時滿牧師tu2好teh食飯； theh8土豆一粒一粒下入嘴， 勻勻仔食。 黃牧師著急講："khah緊來去"。 滿牧師講："天堂我ai3去， khah慢chiah來去"。 Chiah e5話是黃牧師親身對我講，顯明滿牧師臨危也無著急，真chai7-步。伊e5身軀勇，當時教學生haiN3鐵枝， koh 教用雙手ti7柴架頂運動，這當時iau2是新款e5法度。

做宣教師四界巡教會，不止知影教會kap傳教e5狀況。伊bat擔當傳道局e5局長，來參詳派遣傳道師，以及處理有關e5事務。有一擺廉得烈牧師做傳道局e5局長，ti7台中開會。議事無啥進行濟濟人講意見真延chhian5。 Hit時滿牧師用英語對廉牧師講："What are we doing now？"伊an2-ni做是ai3促進議事， m7-ku2無用台灣話�����來hou7廉牧師失體面。

滿牧師1926年擔任台南神學校e5校長。 1926年是台南神學校創設50週年，所以有舉行盛大e5慶祝會。教會tui3 hit年以後koh-khah關心神學教育e5事。 1932年頭擺開男kap女神學e5聯合畢業典禮。設法提高學校e5程度，ai3 充實圖書室；所以1932年ti7台南��會堂開慈善音樂會。因為有滿牧師娘gau5 教鋼琴kap以外e5樂器， koh指導合唱，所以beh開音樂會真容易。

1937年日本政府通知台南神學校，教學tioh8用日語， 滿牧師就tui3日本請He2-lian5博士(Dr.Haden)來，因為伊toa3日本做宣教師會講日語。 滿牧師kap牧師娘1939年3月倒去歇睏(休���)，希禮智牧師(Rev. F. G. Healey)做代理校長。學校順序進行不止好勢。經過一年外，無拍算台南教育當局叫希牧師去，講台北神學校已經換日本人做校長，所以恁也 tioh8換。為著 an2-ni，經過詳細議論慎重考慮e5結果，教士會將神學校閉鎖，將學生送去入台北神學校。

第2次世界大戰結束了後，母會koh派滿牧師kap牧師娘ti7 1946年7月koh來台南。經過一段e5時間�� 滿牧師去台灣神學院參加教學，因為iau2有南部e5神學生ti7 hia。

1948年南部大會ti7 斗六開會，議論著koh開台南神學院。 Hit時黃彰輝牧師無贊成，伊講， "聯合會khia7在，分開會倒壞。" 滿牧師���："恁若ai3 koh開這間學校， 這個責成恁tioh8家己擔當。"大會滿場議決，台南神學院再開辦。 滿牧師soa3 hou7大會選做院長。

Koh做院長了後， ti7各方面��心設����。 Iau2-ku2因為經濟問題，伊真細膩開用， m7敢siuN hou7教會艱苦。若有門窗e5網仔紗phaiN2，人ai3修理， 滿牧師就去看，用指頭仔輕輕jih8；有時講這iau2會用得m7免換。畢業典禮抑是���他beh 歙相e5時，伊真細膩分派座位。聖誕節e5時陣， 滿牧師娘穿紅衫分禮物， theh8一罐家己做e5醬料來送我，因為寫beh送黃主義牧師，所以theh8倒去beh ka7伊換，伊講， "無要緊，兩人e5攏相像，"這拍算有甚麼意思。 In兩位有幸福e5家庭生活。一擺人聽見滿牧師beh出外，就問伊看牧師娘有beh去無？伊講， "牧師娘無去。 Beh thai3有心適！"

因為滿牧師患著香港腳，醫生講tioh8倒去(返國)。所以ti7 1949年8月22頂晡(上午)設立黃彰輝牧師來接做台南神學院e5院長； siang7 hit日下晡(下午)ti7太平境(教會)開滿牧師在台傳道40年紀念兼送別會。我代表南部大會，將一隻銀竹排送伊做紀念， ka7伊講， "後擺你chiah koh坐這隻來。"了後，我ka7伊講， an2-ni對你真失禮。伊講， "Boe7， an2-ni真心適。"

滿牧師是一位真深沉ê人，做事認真無隨便。伊e5講道雖然m7是雄辯， iau2-ku2充分e5準備， hou7人聽了得著利益koh有深刻e5印象。伊ti7教室e5講義也真有準備，受濟濟學生e5稱讚。伊做神學校長e5時代， ti7台南受造就出身，後來成做台灣總會議長e5有4名，總會總幹事2名，總會書記kap 幹事5名； 幾na7名大會議長，中會議長8名； koh也有神學教授kap有名e5佈道家幾na7人攏bat做滿牧師e5學生。 Chiah e5以外koh有幾na7 間大教會出名e5牧師攏ti7滿牧師做校長e5時代受造就。

滿牧師in兩位ti7 8月26離開台灣，去tiam3 ti7加拿大e5南部， in kap 戴仁壽醫生(Dr. G. Gushue-Taylor) toa3 beh作伙。 戴醫生koh來， ti7講演中講："我有一張車， 滿牧師有洗衫機；我若beh出門就用一個記號報滿牧師知， hou7伊若ai3出去thang來坐我e5車。也我若有衫ai3洗，就theh8去下ti7滿牧師e5洗衫機。"無拍算戴醫生十外年前先歸天。

滿牧師平時愛運動， ti7台南e5時也逐日kia柺仔出去散步，伊toa3 ti7加拿大也是an2-ni。 1968年12月13日滿牧師寫批ka7 筆者講："我87 歲e5生日beh到lah，也牧師娘 85，我e5人生路程teh-beh結束，我teh chhe7 hit個kā亞伯拉罕所備辦有地基e5城，是上帝所經營起造。聖誕節e5時李鴻麟牧師beh來chia tiam3 幾na7日。"無拍算後來接著李鴻麟牧師通知講："滿牧師tīi7 12月27早起倚10點半，出去散步，soa3昏倒ti7一間銀行邊，攏無koh醒。照頂面所講滿牧師有感覺日子已經beh結束，總是忽然別世， be5免得hou7咱m7甘。受託寫chiah e5 hou7咱數念伊。