林燕臣賦詩送別巴克禮牧師

 

頁Home /本土信徒 / 日人列傳 /宣教師 / 洋神父 / 原住民 / A / B / C / D / E / F / G /  H / I-J / K /  L /  M  / N-O / P-Q / R / S / /  V / W  

林燕臣撰「送別會」《台灣教會報》 491卷 1926年2月p.9 [原文是白話字]
佇1925後春季中會的時,有派高金聲牧師佮鄙人設法給巴牧師送別,所以佇今年1月1日午後6點,佇神學校講堂做場所,有開筵席,請十外人做伴,中間也有做淡薄餘興,親像出燈猜,做漢樂,予逐家相佮歡喜,鄙人閣做一首送別詩,云云。 

1.先生奉差離故土,過來台灣受艱苦,佈道予人無歡喜,潑粗身軀真臭味。
2.先生無掠做真奇,為主凌辱是福氣,因為百姓心真淺,愛學救主來赦免。
3.傳教教學經過久,五十一年成歷史,抵著夫人早過世,單身做工無失志。
4.七十八歲稱老翁,貴體猶原是健康,智慧充足真精英,通佮迦勒相比並。
5.這班任期已經到,倒去英國佇怹兜,祈求上主相扶助,願平安經過水路。
6.歇睏安然一年久,著來福建閣磨舞,翻譯舊約的聖經,利益信徒講萬千。


 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述