高篤行牧師略歷(楊士養)  

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

 

楊士養撰 《台灣教會公報》879號 1962.年2月1日 p.16-17 (由白話字改寫如下;漢文版見於《台灣信仰名人略傳》第1集及《信仰偉人列傳》) 按:高篤行 (1879-1962).,本名高腓力,父高長、母朱鶯,娶黃勝金(春玉,1879-1945)為妻,育5男4女,即高端方,高端莊,高端文,高端模,高端立和高錦花(適陳明清)、高舜花(適謝權在)、高惠慈(適阮德輝)、高惠愛(適黃宏基)。


高篤行牧師是台南人。伊的老父高長先生是台灣上第一代先領洗禮4名中的一人。老母姓朱,名鶯。伊的兄是高金聲牧師;小弟再得,再祝,再福三位攏是名醫。大姊阿金,小妹阿好,秀圓,秀理。篤行牧師佇民國前33年(1879年)4月11日出世,民國51年(1962年)1月18日下晡3點別世,享壽84歲。伊讀長老教中學,1898年入台南神學校;畢業了佮黃聖金(春玉)女士結婚,生5个後生,5个查某囝。高牧師娘gau5料理家務,也幫贊教會。實在是賢妻良母,所以子女攏成功。

高篤行牧師的工作摘錄記3項:

  1. 牧會的工作 過去數十年久捌踮屏東,頭社,太平境,岡仔林,台中佮萬丹遮的教會。伊盡力牧會,予教會興旺成做 oah8 tai5-tiong3。予萬丹請做牧師蹛23年久,奠定教會的基礎。也佮林燕臣,蘇育才,廖得,鄭溪泮諸位牧師鼓舞高雄區內的教會自立自治。

  2. 特殊的工作。 高篤行牧師好口才,聲量大,gau5佈道,愛吟詩。台灣濟濟教會捌請篤行牧師去佈道,宣講福音。伊所講:真受歡迎,予人感動決心信主。伊真正是「有名的佈道家。」從前南部有設「佈教慈善會」,特別請高篤行牧師做募款的工;成績顯著。實現有無常通,予弱小教會會通維持。高牧師真趣味種菊花---滿埕有濟濟款,真非常媠。伊真gau5共人排難解紛;若聽見人有啥物不和a2是困難的問題,伊就共人鬥設法。閣真gau5共人介紹親事,予人有好頭對,所以濟濟人��止數念伊。當時有人常常講:「做袂成,著揣高篤行。」

  3. 全體的工作。 篤行牧師佇台灣教界名聲真thau2。主後1932年受揀做台灣大會的議長。任期中2���久,領導有方,予南北全體的教會得著大利益。高牧師也有���高雄中會的議長,予高雄區內遮的教會大進步。伊雖然退休,以後也常常愛講道理:負擔講台佮鉻人傳道,暝日致意愛救人的靈魂。高牧師的家族受上帝大祝福:大公子端方先生捌做傳道師;第2公子端莊牧師,捌做台灣大會副議長,佇花蓮港做牧師的時,對山胞phoe命傳道,盡忠到死。第3公子端文15歲過身。第4公子端模先生佇岡山做醫生,當長老,大利益人。第5公子端立先生佇台東的新港(成功)做醫生。大千金(錦花)做有名的鋼琴家,是出名的律師陳明清夫人。第2千金(舜花)是醫學士謝權在夫人;第3千金(惠慈)是阮德輝牧師娘,第4千金(惠愛)是法學士黃宏基夫人。子女逐个出 tioh,內外孫佮kan-na孫計共100名。 寫幾句的略歷,予咱通學高篤行牧師的好模樣。 (楊士養)

 

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述