弔慰公報主筆高德章先生  

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

 

洪萬成撰 「弔慰主筆高先生」《台灣教會公報》675號 1941年6月 p.16 按:高德章,1904年1月1日生,1941年5月2日去世 (請參見高德章小傳):遺有妻林錄璁及2男4女,即高昭仁、高守仁、高惠女、高惠珍、高惠心、高惠蘭。


所敬愛的高先生,阮佇(1941年) 5月5日,接著你死的訃音,宛然親像佇眠夢的心境,到意識明瞭的死,不禁流濟濟的目屎。

回憶11年前佇神學校的時代,受先生的薰陶,教育佮人格感化,知先生的品學兼優,性情溫柔,講話細膩詳細,人品忠厚高潔,夠額通做阮的模範。

先生對佇神學的研究不止用功貫徹深邃kiám-chhái為著按呢,有影響著貴體,姑不將佇昭和7年(1932年),放棄神學教授的職,專心調養。到佇最近,先生的貴體有漸漸復到,總是佇無拍算佇草木茁(puh)新芛的春天,忽然接著先生的 長逝,追憶先生生前的代誌,一幕一幕,親像走馬燈,感慨無量。矣(Ah)!台灣神學界的先覺者,阮聽著你的死,有不止毋甘,因為你佇地面上的生涯,只有30外年,就親像草木凋落放下。生你的父母,佮你所疼的夫人,佮6个幼囝,想著夫人苦痛的心境,實在痛惜的情擋袂tiâu。願慈愛的主安慰伊的家族,因為伊已經煞伊世間的工程,天父搬請伊入佇天裡的帳薕,來接續永遠的事業,也欲對伊的目睭擦--去攏總的目屎。阿們。

高雄編輯部,代表:洪萬成。

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述