|
高德章小傳 | |
首頁/ English / Japanese Entries/ 本土信徒 / 史話 / 諸家論述 / 宣教師 / 外國神父修女 / 原住民 / 日人列傳 / 賴永祥著作/ 馬偕周邊 / PCT/ 劉家雜錄 |
|
高德章,是中路庄(今屬高雄縣路竹鄉)人,1904年1月1日出生,1941年5月2日去世。 他當過太平境傳道1年,任神學校教師10年,在公報社2年。 譯有《平民e5基督傳》(參見賴永祥講書013 《平民基督傳》)。 玆錄高金聲寫「高德章小傳」(《台灣教會公報》675號1941年6月)如下: 扑算有濟濟朋友ti7這個熱天,beh寄批來台南ka7伊請安;中間也kaN2有人teh數念in ti7東京受著伊e5好款待,beh寄物來新樓送伊。今仔日ka7 lin2通知,伊無ti7 chia, ti7 5月初二暗已經坐急行車去樂國(天國)。我今beh舉筆來記伊e5履歷淡薄希望讀者tui3這個向主耶穌來生起激勵e5心。 高德章先生出世ti7明治37年(1904年)1月1日,本籍地ti7岡山近中路庄。Ti7大正6年(1917年)3月20日,卒(畢)業公學校,入台南長老教中學。卒業了,入台南神學校,tui3 hia轉入東京明治學院,入高等部文藝科;卒業了,入神學部。昭和3年(1928年)3月21日卒業,優等生。伊精通希獵文kap英語。以後轉來台灣,ti7太平境做傳道先生,兼做神學校e5講師,an2 ni一年久。隔年做神學校e5教授,也做神學校女子部e5講師,伊ti7神學校做工10年,ti7公報社兩年足。 回想伊ti7中學e5時代,ti7運動界做腳球e5選手,應該著身體健康,反轉體質衰弱,che驚了tui3殷勤好學所致。4月27 e5安息日e昏,先生夫婦兩人來阮兜相探,到11點才轉去,都無看著德章先生有各樣e5態度,到5月初二暝7點出,氣管發病,liam5 piN轉去祖家。伊企起ti7這粒地球生有38年久。現時伊e5家族iau2有10人toa3 ti7一個寄留地,有父母、婦人人、兩個查甫囝仔、4個查某囡仔、kap一個小妹。Tui3這號境遇,in e5心內怎樣,人人攏知,m7免講。請咱同情,求慈愛e5天父將伊e5平安來充滿in e5心,會hou7 in向望上帝e5榮光來歡歡喜喜。 今tui3德章先生e5生平,簡單記幾項:1、家庭 孝敬父母,夫婦和順,節儉費用,gau5績督囝兒,tui3重家庭禮拜。2、社會。人ai3和平,設使有朋友不服,伊常常大事化小事,小事化無事。Koh ai3蓋人e5歹,報揚人e5好。3、讀冊。Tui3細漢就好學,機會好,所以讀到成功。伊讀冊e5目的,是ai3貢獻做咱教會e5路用。雖然身體較軟弱, iau2 ku2 m7甘放sak傳教e5工。4、做工。伊做教會e5工13年e5久。Ti7教會不止鼓推家庭e5禮拜,ti7神學校是殷勤教冊。現時ti7公報社所賣e5冊,其中有一本名叫《平民e5基督傳》,這本原底是英文翻譯做台灣話。內容teh講論主耶穌真週至,會贊人kap主親蜜。翻譯這本冊,就是德章先生盡心力來做,beh做咱教會e5利益;以上chiah e5真堪tit hou7咱thang數念。今以後ti7主來死e5人有福氣;聖神講著,hou7 in煞in e5著磨來安hioh, in所做e5工亦toe3 in。(啟14:13)。
首頁Home/ 本土信徒總檔 / 教會史話總檔 / 宣教師人物總檔 / 外國神父修女列傳 / 日人列傳總檔 / 原住民信徒 / 諸家論述
|