盧仁愛姑娘小傳

林氏安(Miss A.A. Livingston)撰 「盧姑娘e5小傳」《台灣教會公報》580號1933年7月 p. 5-6 ��文是白話字寫的。 盧仁愛姑娘（Miss Jane A. Lloyd），英國長老教會派駐台灣的女宣教師，1870年5月28日生，1903年12月15日抵臺，1933年5月18日在台去世。

盧仁愛姑娘ti7 1870年5月28日出世ti7 Bala e5城市。 Bala是ti7威力士國(Wales)，就是英國隔壁國。 彼族e5百姓猶有家己e5話，盧姑娘若講伊本鄉e5腔口，阮就聽攏無。 總是tuì 囡仔e5時較毋捌用。 伊e5老父是做牧師，亦仁愛細漢e5時，全家有搬ti7英國e5大埠頭，叫做Liverpool。 伊ti7 hia讀小學校，高等學校。 後來有入Liverpool e5一間出名e5師範學校，就是Edgehill Training College。 卒業了，就去英國一個大都市，叫做Leeds教公學校，也後來有做校長。 這時伊有真熱心ti7教會，也到時上帝開伊e5路，予伊通離伊e5祖家過來台灣。 Ti7 1903年12月15日有到台南，kap朱姑娘，文姑娘，萬姑娘作伙toà。 Siāng彼時有一位姑娘 tuì siāng彼个拜堂過來汕頭，做主的工。 彼位姑娘現時猶佇汕頭。 In兩個做不止親密e5朋友。 In e5批信逐禮拜有teh來往。

Tuì 1903到1910年，盧姑娘有鬥幫贊教女學校，也有時去帶到會中教姊妹，因為彼時無一定女學校的校長，三四位姑娘攏有輪流來管。 到ti7 1910年，朱姑娘kap文姑娘有去toà彰化，亦萬姑娘有做婦學e5校長，亦盧姑娘有做女學校的校長。 這个工伊有擔當到1927年。 Ti7 hit 17年e5中間，學校有大振興，學生e5人數有加添tuì 50到倚250名。 閣盧姑娘有設法欲起新e5女學校也有四界去募集金。 Ti7 1923年就現在e5女學校得著完工起好，亦是真合用。

萬姑娘辭工了後，盧姑娘受託欲創設女神學，就將舊e5女學kap婦學行工改造，來變做新e5女神學。 這个工伊有做到明白，亦ti7 1928年的4月有開校式。 Ti7 這5年間，盧姑娘有不止出力ti7女神學，有拍好e5地基。 毋旦按呢，對教會逐方面有不止熱心，無論是創設主日學，教聖冊會，探姊妹，佈道e5工。 伊攏無甚麼保惜伊e5身體，有時做工到過頭。

Toa3台灣的時，伊有三擺轉去歇任(休假)。 頭一擺，第二擺e5歇任，伊e5身體大欠安，著趕緊予醫生手術。 第三擺無代誌，不止歡喜得著安然e5歇任。

這pang ti7無拍算e5中間，起小可病，亦掠做無甚麼要緊，猶原出力ti7伊e5工。 前禮拜拜五伊去予醫生看。 醫生吩咐著倒眠床，來靜養，伊應講，"Bē做得！ 我著教6點鐘久"，亦有去教，總是姑不到半晡著轉去厝裡倒眠床。 Tui3 hit時na2傷重，到ti7拜一 e5昏熱真高，心臟不止無力，總是醫生用真濟注射予伊得著較爽快，較無熱。 雖然人直直顧伊，無法度，到拜三半暝已經毋知人，也ti7拜四，5月18日頂晡9.55，有予上帝召伊轉去。 Hit暝顧伊5人，有聽伊講，「今明白啦。 今煞啦！ 逐項成。」醫生看伊真傷重e5時，有明明共伊講驚了be7好，伊有應講，「可惜！ 論我本身我攏好。 總是為著兩項，若合上帝e5旨意，我愛活：一項，我若有通教學校閣一年，就別人較 be7費氣；第二項，我真愛閣一擺kap親人相見面。」

盧仁愛姑娘頭尾toa3台灣倚30冬，亦減10日就63歲足。

今伊e5工明白啦！ 通講伊做主盡忠e5女婢。 我簡略講起伊遮e5履歷予大家知，來相數念伊。