許隼夫 草地囝仔的感恩 序言

許隼夫撰 《草地囝仔的感恩》增訂版 台灣����會公報社 2009年3月 97頁

本人身世���微，佇偏僻的田莊長大。簡單散鄉的童年，培養出我大漢、粗枝大葉、樸素自然的心性，會當適應各種無仝款的環境。感謝上帝的鴻恩和奇妙的帶領，hou7這個草地囝仔有機會聽著福音，認識救主，獻身傳道，出國留學。佇台灣與世界逐位為主傳福音。雖然我細漢出生卑微，佇散鄉草地長大，總是對信主了後，hia 的經驗顛倒變成我大漢了後待人處世的利益。我khah會曉滿足，khah會曉感謝，khah會曉幫助受苦的人。

我kap同信、同校、同使命的婦仁人卓美佐結婚，做伙創造一個基督化的家庭。Hou7阮佇生活的品質，工作的意義，事奉的喜樂中做伙享受人生的豐盛。

今(2009)年5月我beh對美國長老教會退休。我1959年接收耶穌基督做我的救主，到今仔日已經50冬了；1967年kap美佐結婚已經42年；1972年佇台南神學院封立牧師，到今仔日已經37年；;總是，若對神學院時代就佇教會工讀，四年級起就兼任教會傳道來算，我的傳道生涯已經有42冬了。

今仔日阮用歡喜的心，邀請同信，同鄉與阮做伙來感謝上帝。也與大家分享祂對阮所施落的恩典，慈愛與信實的帶領。

佇這個快樂的日子，我將阮的人生歷程簡單用台語寫落來。送hou7你做紀念。請你多多指教。同時也盼望你koh khah了解阮，koh khah包容阮。我盼望你也會認識hit位改變我的生命，施恩hou7我與美佐，做阮人生的引導kap保護的上帝。

最後，我愛欲感謝何亦可長老幫忙我拍字；也特別愛感謝台灣教會公報社出版部林文茜姐的大幫忙，佇真短的時間設計、編排、印刷、出版。也愛感謝陳煥榮兄kap美妙姐親身帶冊來美國。

教末 許隼夫 2009佇加州柑縣