(1966年)5月8號母親節的時，中中溪湖教會有表彰兩位模範母親。中間一位，就是故許敏長老的夫人(林乾)，86 歲，伊有5的後生，大囝篤信， 二囝篤如， 三囝篤禮 ， 四囝篤實都是長老， 五囝篤義是執事(後亦為長老)。 大孫是東海大學助理校牧許明昭牧師， 囝孫70外人。8號受表彰了，無拍算佇(5月)13號上午1點受主揀召歸天， 14下晡告別禮拜，有賴仁聲牧師kap 蘭大衛博士特別來講悼詞。

論故人的美德有幾偌項thang hou7咱數念 :

1. 對人和睦，m7-bat kap人爭執計較。

2. 忍苦耐勞， 養育 5男 3女(謹言、美妙、媽玉)， m7-bat 請工人。

3. Gau5幫贊丈夫，Gau5 治家教囝。

4. 疼主， 嚴守主日的禮拜，Gau5節儉奉獻。

5. 一切知足感恩。

6. Gau5款待傳教者。

7. Gau5疼艱苦song3-hiong人，對孤兒寡婦Gau5賑濟，體貼出醫藥費， thang講是一位偉大的平信徒母親。