台灣的牧者

 

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

廖得撰 「台灣聖神 台灣的牧者」《台灣教會公報》809號1956年5月 p.25

由白話字改為漢羅台語 [漢文版,見於《廖得牧師紀念文集》1977年 p.15-19] 關於黃能傑(1853-1927)一家,可參見《教會史話》175,  455456, 457, 458, 459,  470, 471 等多篇。


佇德國最文明的時代, in 逐戶的基督徒攏teh希望佇 in 的家庭,e7出兩個犧牲者:一個做傳教的,犧牲家己的物質,來救人的靈魂。一個做醫生的,犧牲家己的精神,來醫治人的肉體。現時德國70 外歲的艾德諾總理(按:Konrad Adenauer,1949~1963),也獻伊的獨生囝 teh做傳教者。

倚 50年前,黃能傑牧師的大囝俟命, 佇公學校teh 助教的時,有續teh準備beh 考醫學;總是黃牧師e7記得「紅柿好食對to2 位起蒂?」,也「橋過,柺仔 m7̄敢放hiat-kak8」。Ai3 將大囝頭水的果子, 先奉獻hou7主用,照前所 he7 的地基實行。醫學chiah hou7細漢的讀。

大囝 俟命入大學。佈道說教攏向前。日語,漢文,風琴優等生。道理專學得滿等。(伊三年的時, 全校22名,讀羅馬人書,伊kap 四年,以及一年,共三人,攏得132 分滿點。)

伊猶原是好某soaN-。 卒業的時, hit-的楠梓,ka7伊ngeh面骨林天賜長老的大千金嫁hou7伊做內助 這個先生娘(林金): 體格大方,生做普通;頭腦明聰,社交精工。 相夫興通,教子義工;信仰成功,壯年騰空。

伊(俟命)卒業後,受派去彰化 教小學兼傳道,也有toa3 鹽水教會。

南部大會濟濟年計劃的新中學成功,傳道局就派黃先生去中學做宗教主任兼舍監。

伊想tioh8南部教會為著中學的新建築費 kap基本金,一時勉強e7奉獻; be7-thang年年koh負擔幾千圓(khou) 的維持費;伊就kap 同志的濟濟年飼豬種菜,來支持hit條錢, hou7南部眾教會做便頭家。 Hou7大會免為著中學的經營費來擔憂。

伊兼任東門教會的當義務傳道。後來起拜堂,伊獻第一濟錢。到伊的先妻別世了,伊就任東門堂會的牧師;後來有ke請一名牧師,伊就請任職會將堂會每月送hou7伊30 圓的謝金,轉送hou7同工的牧師。

伊料理澎湖宣道會的時,有設法幾個澎湖青年會友來寄神學讀, beh養成做澎湖傳道的路用。 伊也teh想南部教會路尾若tioh8獨立。伊就備辦伊的囝,別日thang擔當神學的 責任。

了後為著教事會 beh 賣台南醫館的厝宅, beh去彰化起大醫館;為著大會無hiah濟獻錢thang 買,伊就賣家己的田業來入替。

伊不時認真讀冊,講道 篇篇豐富, 句句有力。 佇伊的先妻 別世後, 說教更加靈感。

今(taN)將四月日敝稿總結 幾句 佇下面:

牧師內助有權柄,扶助翁囝na2學生。 誌誠牧師傳有清,自給傳道到一生。俟命牧師有犧牲,傳道賣業傷神經,佳妙執事真本等, 協理鹽埕真大間。衣利長老是精兵,十年設教有五間。彰輝牧師有才情,老父計畫有達成。若將佳報傳學生, 一將可以抵萬兵。台灣信徒齊進行,拜堂連鞭(立即)幾千間。哈利路亞。阿們。

 

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述