黃嘉智(1838-1911)小傳

 

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

《台南教會報》第316號 1911年7月,p.8,由白話字改為漢羅台文,並加按語如下:


黃嘉智e5小傳      關於黃嘉智,請參見《教會史話》 10,  111,  148

年前,ti7主後1865年,馬醫生(馬雅各,Dr. James L. Maxwell)佮杜牧師(杜嘉德,Rev. Carstairs Douglas) tui3廈門過來台灣傳道設教,Hit-時有一個少年人姓黃名嘉智佮in來;伊本是漳州石尾e5人,tui3打馬字牧師(Rev. John van Nest Talmage)受洗禮。Hit霎e5時陣,台灣e5人猶未有人拜上帝。

為tioh8 hit時馬醫生被人激逐徙去打狗設醫館,黃先生也佮伊去,猶原做伊e5助手,禮拜日續講道理hou7人聽。三四年後馬醫生koh倒轉來台南府,打狗行裡e5人就央託伊請一個萬醫生(Dr. Patrick Manson)來打狗替伊e5缺。萬醫生歡喜來咱e5醫館行醫m7-ku2醫館內e5代誌攏是黃先生料理。無loa7久萬醫生去廈門,kah伊e5小弟(萬大衛醫生,Dr. David Manson)來接伊e5缺;有人稱呼伊做小萬。後來小萬先生去福州,koh換一個連醫生(連多馬,Dr. Thomas Rennie) Hit幾年e5中間換幾若e5醫生,m7-ku2醫館內e5代誌猶原是黃先生teh照應。 

後來換梅醫生(Dr. W.W. Myers)來,也hit-e5醫館倒壞,黃先生徙去埤頭(鳳山),ti7北門外家己開西藥店。Hit-tah教會e5兄弟揀伊做長老,tauh8-tauh8留任,做幾-若十年e5久。有一個查某囝(黃好,又名玉)嫁hou7府城榮安堂e5先生吳純仁(1838-1911);到舊年e5中間伊就來toa3府城。Hit時已經七十外歲。近來伊e5身體有較老貌;到六月14號(舊曆5月18日)平安過往。Ti7六月18號出葬,有濟濟人來送;thang叫做福壽兩全。  pan>

 

 

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述