黃能傑牧師娘小傳

 

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

(1857-1904) 是黃能傑誌誠牧師(1853-1927)的元配。其生涯,請參見《教會史話》458
儼失去幾位子女之後,又生二男一女,
即黃
俟命牧師、黃調祥又作朝祥、黃依利沙白黃依利,適傳道洪朝抽。
玆錄
《台灣府城教會報》第249卷,190512月刊「黃牧師娘e5小傳」一文如下:


Ti7主後1857年黃牧師娘出世ti7 龜移民暗庄,就是倚ti7東港hit3 tah。序大人較艱苦所以伊較早出嫁。Ti71884年丈夫黃牧師有聽道理信主。起頭牧師娘真無ai3 kap伊行天路,總是靜teh學讀白話字。Hit時雖然m7 bat入禮拜堂iau2 ku2會曉讀白話聖冊。到1887年頭1擺去禮拜堂聽道理。

黃先生去府城讀冊,後來受派去toa3澎湖,先生娘也歡喜kap伊去。船tu2著風透,in逐家大危險,煞失落1個後生。起頭無thang稅厝,兩人經過偌濟項e5艱苦。總是in出力報揚主e5道理,toa3媽宮兩年外就已經成教會。

後來koh過來台灣toa3 ti7竹仔腳、埤頭kap楠仔坑,真正大利益眾姊妹以及通教會。Bat伊e5人攏干証講,罕tit tu2著1人hiah3 nih gau5安慰、苦勸、慈心引chhoa7人信主。

到今年(1905年)5月有染著非常e5病,食藥、去旗後醫館攏無采工。Beh去旗後醫館Hit tiap8坐火車到舊城,就真歡喜,因為講若對醫館倒來,才beh較出力設教ti7舊城。到beh倒來,火車到舊城hit時伊流目屎,因為想著今be7 tit thang kap舊城e5會友相見面。

倒來楠仔坑伊e5病那siong重。Boe7過往e5 3日前,主e5榮光若親像照伊e5身軀。Hit tiap8伊e5心真歡喜到極,ka7顧伊e5姊妹講,我kap lin tiam3無久日,主beh用伊e5平安來換我e5艱苦。後來人beh ka7做衫仔褲,伊就嫌講:「Lin2 kiam2是世俗人?Kiam2 m7知hiah e5 kap我無干涉? 主e5白衫teh聽候我lah!」

到9月11日天boe7光就過身。Iau2 bo7過往伊叫in丈夫來kap伊相辭講,平安,主來lah!又koh kap教會當職e5人以及顧伊e5人相辭講,主來lah!幾若人吟詩,tu2仔吟兩choa7伊就koh講,主ah!來去! 連講3聲面越對眠床後氣就斷。一世人做主盡忠e5女婢,今已經得著伊e5報償。「煞伊e5著磨,功勞也toe3伊。到9 月12號就出山」。教會內kap教會外e5朋友攏大敬重伊。

20年e5中間伊kai3出力ti7教會中做主e5工程。眾人大o lo2伊e5好模樣,gau5引chhoa7人信主耶穌。Bat聽見幾若位傳道先生teh談論ti7眾傳道娘e5中間to2一個大利益教會。大家講無1個會比tit黃先生娘。伊本身實在無ai3人講甚mih o lo2 e5話,總是咱thang數念伊,也對著伊所做e5工真正thang感謝上帝。伊勇健時hit實在為著主gau5著磨或是ti7澎湖、埤頭、竹仔腳、抑是楠仔坑。無論去tiam3甚mih教會眾兄弟姊妹有大大數念伊。到染著大悽慘e5病伊猶原大榮光主e5名。Ti7台灣e5教會伊親像「做以色列e5老母。」

今伊已經到ti7上帝e5面前。伊e5艱苦攏煞,總--是咱be7免tit替楠仔坑教會煩惱,也實在著替黃牧師kap hiah e5細子祈求上帝來安慰。主已經來召伊去,總--是伊所做e5工、伊e5好品行、伊e5熱心、伊e5仁愛的確be7毀無--去。伊那親像iau2 ti7 teh講:「Lin2著學我,若親像我學基督一般樣。」「煞伊e5著磨,功勞也toe3伊。」

 

 

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述