黃能傑(誌誠)牧師小傳

 

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

黃秀輝 「黃誌誠牧師小傳」 《台灣教會報503卷,19272月。
關於
黃能傑誌誠牧師(1853-1927),得參見《教會史話》175, 455456, 457, 458, 459

關於黃能傑的裔,參見《教會史話》 470, 471

關於黃能傑的元配儼請參見《教會史話》458黃能傑牧師娘小傳


黃先生,乳名號做能傑,儒名號做誌誠;本籍地是屬ti7東港e5教會。伊出世ti7 1853年。當boe7信主e5時,是teh做法官,不止有法術。因為子兒生了攏扑損去,伊就醒悟伊所尊敬e5佛無法力,be7會保庇人。所以就發心來信主。

對信了後,熱心toe3主,決心beh替主做干証,就獻心來做主e5工。第先ti7 1885年入神學校,講究聖冊兩年久,就去tiam3教會。

過無偌久,甘牧師(Rev. William Campbell) tehai3去澎湖設教。伊本身先去tiam2  1 choa7。倒轉來就派黃深河kap先生本身去hia傳,去無偌久就有誠功效。後來倒來搬家眷搭船過去澎湖。總是beh到位e5時有扑破船。先生娘有得著人拯救,大子有hou7海水tu7死。這個子hit tiap8 tu2仔是5 歲。當船behe5時,伊出聲叫講:「主來lah!主來lah!」到上岸,人叫伊做「主兄」。伊應講:「我m7是名叫主,我e5teh叫主,就是阮所傳e5耶穌,」續將an2-ni做機會來傳主e5道理。

an2-ni hou7咱知伊e5熱心疼主到to2位。人ti7世間一生最愛e5就是查甫子,先生boe7信主以前所生e5攏扑損--去。對來信主了後, kan-ta得著 1 個查甫子,自然是疼伊親像寶珠。今死ti7nih, iau2-ku2無餒志,續將這個做題目來傳道理;an2-ni是顯明伊疼主較疼伊e5子。

先生40年做傳道e5工。有toa3 ti7澎湖、竹仔腳、鳳山、楠仔坑楠梓、旗後、chiah e5教會。最第一久e5就是ti7 楠仔坑教會。Ti7這個教會,做傳道先生kap做牧師頭尾有22年久。當伊ti7楠仔坑e5教會在任e5時,有kape52子黃俟命先生koh設舊城e5教會。Hit tiap8俟命先生iau2 teh讀公學校。對離開楠仔坑e5教會來tiam3旗後這tiap8,伊有大幫贊這個教會。旗後教會少人、軟chiaN2、無力;伊本身攏開家己e5錢較濟。到這tiap8教會也cham2然加添人額;這陣來禮拜有670人。

先生ti7年內1228日起破病;是腦筋斷去。到本(1927)年正月初10日下晡4點外鐘安然過往。Beh出葬e5時有請巴博士(Rev. Thomas Barclay)做主理告別式,講去先生e5來歷。了後有蘇牧師、高篤行牧師、趙天慈先生接續起來講弔詞kape5來歷。然後讀各位e5弔電明白閉會。

黃先生gau5疼會友,所以會友gau5疼伊。Hit日告別式了後,運棺beh來楠梓埋葬。Boe7上船e5第先,有1個會友toa3 ti7棺木seh8 lin3轉,就kap伊講話,那親像kap活人講話;對棺thim3ka7伊講:「今,好lahAn2-ni明白lah!你先去,koh無偌久我behchhoe7你。」 講了就舉頭祈禱幾句話。我看hit個情形,看了實在真感心。

先生對信主到這tiap8,tu2著真濟患難,總是伊無冷心餒志。M7 na7-koe3澎湖傳道摃破船,大子死ti7nihTi7  45 年前第3黃調祥,又作朝祥ti7大阪醫科大學te beh卒業lah!才過身。Koh ti7舊年中,第2查甫孫12歲有過往,第2新婦也過往。總是伊無餒志。M7是伊無煩惱,是伊gau5吞忍艱苦。今現時先生iau23位公子、兩個千金、1個第三守寡新婦、4個查甫孫、兩個查某孫,外孫無算在內。

Iau1thang講。前過往e5先生娘1857-1904) hou7koh較感心。伊新舊約e5聖冊真熟,道理真batau5幫贊先生做工,常常替先生備辦道理, gau5苦勸勉勵會友,gau5体貼會友,致到會友真疼伊。

今先生今年過身75歲。伊e5工明白,倒去享受福氣,實在thang恭喜;不過人情be7tit有煩惱。先生雖然倒去,總是伊所做e5事業iau2-ku2 teh發展。伊設e5教會iau2 ti7 lehkohe52公子黃俟命先生有接續伊5teh經營,向望後來會koh較發展。

今我大略寫chiah e5,來勉勵咱chiah e5kap做工e5牧師、傳道kap眾會友。向望到結局會親像先生kap先生娘e5好成績。

 

 

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述