黃歹錢嫂

 

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

摘自「數念兩位女聖徒」 《台灣教會公報》 905號 1963年 3月1日 P.13 [白話字原文,改為漢羅台文]
按:黃歹錢和其妻吳阿市兩人,於1919年7月27日在彰化教會由蘇育才牧師領洗,時夫婦均為29歲;夫婦育有6男5女。  

故人就是彰化真出名的歹錢嫂。佇(1963年)1月20號別世。

伊出世佇世俗家,13歲的時受蘭醫生看症頭,打揲破病,紲得著基督的福音。

到20歲的時,佮黃歹錢兄結婚,有生6个查哺,5个查某囝;查哺囝兩个是實業家,兩个做中學的教師,第3囝黃文欽是咱教界最早去美國留學的,現時咧讀博士課程。教囝治家是一个困苦勞磨的,總是一手囝得著栽培,攏是信仰真深的人。

看伊的一生雖然辛苦拖磨,用信仰培養囝兒,予怹好名聲,也毋捌聽著伊誇口伊的囝兒的才情。伊有當執事真濟任。

後來因為目睭較bái,辭退無做,也是常常探會友,無厭倦,對個人佈道,對募道友的引導攏無失落本份。伊本人常讀聖經,為家族信仰的長進來祈禱,閣為教會,會友祈禱;閣因為記憶力真好,有濟濟首的聖詩佮聖經節會曉暗念。

今伊本身毋若家庭內的信仰的老母,通講是教會內外受伊引導培養的人的信仰的老母。

伊佇1961年秋天破病,了後有較好,到今(1963)年1月18號破病再發,佇1月20號過世,22號告別式的時,毋甘數念的人非常濟,予人真感心。