傳道陳鹿(1890-1925)小傳

 

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

      潘道榮撰     

《台灣教會報》第480卷,19253月 白話字改為漢羅如下


       小傳陳鹿先生              

先生是澎湖湖西庄西溪e5人,出世ti7明治23(1890)。伊e5祖上濟濟攏有進學,所以伊ti7細漢e5時父母就送伊入書房講究漢學。 後來有去讀公學校6年久,伊著優等e5卒業。學校e5先生愛惜伊e5才調,就留伊tiam3本校做教員。伊是真誠心敬神明e5人;每日對學nih8歇工轉來,就隨時去燒香點燭。

雖然身居教育e5職,為著hiah nih8熱心teh敬重神明,總是ti7e5心內不時有teh掛慮1項,就是:「人到死後m7知啥款」所以有1bat決心beh離開某子去做菜友。

抵好有一年e5夏期休夏中,受上官派過來台灣赴教員e5講習會。有朋友chhoa7伊去太平境e5拜堂禮拜,hit日抵抵是故宋忠堅牧師(Rev. Duncan Ferguson) teh說教。題目是「貪財是萬惡e5根源」(1.6:10)。伊聽了心中暗暗有感激e5所在,就想beh來信耶穌教。到講習會明白beh轉去e5時,有朋友報伊來新樓冊房買1本《天道溯源》。伊就暝日勤勤讀hit本冊。對an2-ni那明基督教e5道理是真實,就好膽放sak前所尊重e5鬼神,來敬拜上帝。

Ti7e5本鄉攏無人信主。Hit時抵好楊世註牧師tiam3 ti7媽宮做澎湖宣道會e5牧師。伊就招楊牧師去in西溪設1間福音堂。 可惜後來in二位攏過來台灣,也無別人thang繼續鼓舞,致到chit-tiap8煞廢止去。

今伊對信主了後,真致意稽考聖經e5道理,就ti7媽宮對楊牧師領洗禮。Koh過無偌久,續獻身beh來做主e5工。所以ti7大正7(1918),就來入神學校讀冊4年久。Ti7學中凡事佮朋友真和睦,也gau5敬重先生。伊e5天資明敏,讀冊也勉強,所以卒業第一名。傳道局就派伊去tiam3東港e5教會;ti7 hia兩年久。

大正13(1924)4月間,又koh受傳道局ka7伊轉任去tiam3北港。去hia倚兩月外日,出力佈道,巡視友會,煞抵著嚨喉起痛,無聲thang做工,就來醫館打tiap8差不多3禮拜久。到較好,就koh轉去做工。 咱知北港是咱台灣佛教e5重要地;咱e5教會設立未偌久,信徒iau2少,koh軟弱;現在e5拜堂是用稅e5;狹狹無合用。抵好廉牧師廉得烈Rev.A.B.Neilson)去巡教會,就佮伊去chhoe7地,備辦thang建築新拜堂。

因為伊e5嚨喉病猶未十分好,siuN出力做工,致到嚨喉e5病koh發作較傷重。伊本身teh想,著暫時歇睏較好,所以就轉去in澎湖。心意是想beh療養身命;總是看著本鄉親人e5����暗,就無惜著本身破病e5身体,猶原chhoe5機會佈道。Bat有人譏刺講伊病是去hou7北港媽thau7著、毒著,in e5北港媽是較聖;叫伊m7 thang傳hit號番仔教。雖然是an2-ni,先生攏無tam3志,猶原好膽干証主e5名。

an2-nie5症頭那沉重。Ti7舊年(1924)10月間就koh過來台南新樓醫館打tiap8。照醫生ka7伊診斷,chit號病症真為難。日過日身体那軟弱,be7食、be7起來。到(1925)正月18暝,抵好是禮拜暝昏,倚8點鐘,就手舉懸,比對天頂去,ka7e5婦人人講:「我beh轉去lah。」就an2-ni安然過氣,去天堂佮主tiam3。享壽36歲。

隔日,就是19e3點鐘,巴博士巴克禮,Rev.Thomas Barclay)做主理,執行葬式e5禮拜。來會葬e5倚有200人。有e5真遠,親像對東港教會有林燕臣牧師佮in e5長老、執事做代表;其餘有伊e5先生、朋友佮教會信主e5人來赴chit e5葬式。濟濟人看了無m7傷心流目屎。禮拜煞,自翕像。然後才送伊去埋ti7台南教會e5公塚 nih7

 

論先生tiam3世間,伊e5歷史卻是短短。總是鄙人對所看、所聽ai3 koh加寫幾句,ng3望會thang做咱e5利益。

(1) 真gau5吞忍。Ti7破病中,伊m7 bat對某子來摔sau、抑是對朋友來講甚物怨天尤人e5話。 常常是歡喜交陪主,備辦聽候主e5 chin2召。伊知伊e5病無thang koh ng3望tiam3世間;所以伊e5婦人人勸伊著熱心toe3主耶穌。卻做人ti7地上be7免得有人情ti7 leh, 因為若有伊e5好朋友來看伊;伊本身就流目屎。意思就是koh無偌久著佮伊所疼e5朋友分離。

(2) 做主盡忠e5奴僕。伊本身m7是甚物gau5說教e5先生。M7 ku2ti7禮拜早起攏禁食祈禱,才說教;所以所講e5道理有大感動心e5心。伊真gau5 chhoe7機會佈道,gau5体恤艱苦e5人。伊e5性質真溫純,hou7 gin2仔真好親近。所以聽著伊過身,連伊所教主日學e5學生也流目屎。

(3) gau5疼教會,教會也真疼伊。論伊病中e5 kian3 bu2,或是傳道局、個人hitm7免講起。先生已經離東港e5教會,總是hia e5會友聽見伊e5破病,就替伊祈禱、寄錢、備辦藥、送物等等。到死e5時,koh50箍來慰問伊e5遺族。卻北港e5教會也有差人佮帶錢來弔喪,這也是對主真saN帶著。鄙人看了,心真受感激,因為先生實在有好e5人格thang感動會友e5心。Chite5教會thang講是 「仁愛e5教會」。Ng3望主ka7 lin2祝福,hou7 lin2gau5 顯出仁愛e5果子,來做別教會e5模樣。

(4) 破世間。伊m7 na7獻本身做傳教e5工na7 tiaN7。伊有將所用得e5現金3、4千箍攏hou7伊e5兄弟去,無佮伊分。只���分淡薄較m7成物e5田園,kaN2值有成千箍。若有錢,伊較常ai3買新冊來講究。伊也想伊本身獻hou7主是無夠額,到beh死hit幾日前,有勉勵伊e5大子著接續伊e5腳步。

(5)對伊e5遺言有永遠e5 ng3望。先生有兩個後���、兩個查某子攏猶細漢。因為伊e5親人攏世俗人,所以先生有遺言,m7 ai3伊e5某子轉去tiam3澎湖。今伊e5婦人人有得著盧姑娘(盧仁愛,Miss Jeanie A. Lloyd) e5好意 hou7��tiam3女學幫贊炊事he7 e5工, ng3望讀報e5人,時常替伊e5家族祈禱。澎湖算是咱台灣e5宣道會,先生是澎湖���身頭1 個傳道師。咱著体察先生遺言e5意思,致意替澎湖佮伊e5遺族來祈禱。

(6)對伊beh斷氣e5時有奇怪e5暗示。先生beh過身e5 hit e晡e5四點半鐘,鄙人有koh去ka7伊看,���伊e5款,知是無偌久e5人。續問伊看伊e5心有攏平安無? 伊tim3頭,顯明有真平安e5意思,就替伊祈禱,求上帝thau2放伊e5奴僕身体上e5艱苦。到hit暗倚7點半,鄙人家庭e5禮拜煞,就掀開「主日神糧」4月26號:「士提反是做頭一個殉道者」e5事,續寫幾句ai3做教主日學學生e5路用:「今士提反伊有平安去天頂佮主相佮tiam3。因為伊是盡忠為著主e5名來放sak生命上帝有備辦sui2 sui2活命e5冕旒來戴ti7伊e5頭殼nih。」Chiah e5話寫了就聽著伊e5婦人人開聲teh哭。鄙人趕緊去ka7伊看,都是先生teh beh過氣。看時鐘抵抵是欠10分8點。Chit tiap8 teh寫伊小傳就ai3用chit層做結尾。因為想了實在有奇怪e5暗示ti7 leh。先生真正會堪得列ti7士提反hit輩,盡忠到死,主e5奴僕。所以深望咱做基督徒著toe3 chit款e5模樣,別日就thang相佮享福ti7天頂明宮e5所在。「你著盡忠到死,我就beh用活命e5冕旒賞賜你。」(啟示錄 2:10;這是4月26號所著唸e5金句。)

                  

 

 

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述