首頁/  English / Japanese Entries/ 本土信徒 / 史話 / 諸家論述 / 宣教師 / 外國神父修女 / 原住民 / 日人列傳 / 賴永祥著作/  馬偕周邊 / PCT/  劉家雜錄

陳磐撰 「陳天賜�����傳」 《台灣教會公報》543號 1930年6月 p.10 [白話字原文，改為漢羅台文] 

新巷陳天賜出世佇主後1873年。伊蹛佇草地，有5个兄弟，伊���大子，怹老爸有教伊讀冊，字捌真深。伊未得著道理的時，庄中的人來央伊看日、搬時，伊也真勤快，無趁人的錢，庄中的人不止謳咾伊的好央倩。

���佇帝國(日本)來管台灣，設伊做土地委員，監督造大路，盡力扑拚siuN過頭紲致身命。到佇1906���來台南醫身命，佇遐得著道理。後來轉來，彼時阮這庄裡猶未有人聽道理，怹老父真窘逐，內底毋予伊蹛,將伊的聖冊放火燒，ka7伊褻瀆，伊也無失志。 閣有 1擺怹小弟將伊的眠��ka7伊拆(thiah)出去，伊到欲睏的時才閣gia7入去扑，顛倒歡喜。到後來怹老父漸漸較袂窘逐伊，總��有予伊家己食，真艱苦過日，定定拄著試煉，伊也真熱心。

論伊一生做人���疼人的心肝，大細漢都謳咾,伊雖然是散凶（貧窮），定著毋摒人，欲予人摒，世間若這號��毋免設官府也會用得。到佇這幾年伊的目睭也無看見， 耳空也無聽見。雖然拄著患難守道理是顛倒堅固。

到1930年5月1號起破病，佇4號主日午後2點予主召轉去天堂，享壽57歲。伊有3个後生，2个查某子。欲臨終的時伊歡頭喜面，彼時伊有問看今仔日當時？ 怹子婿共伊講：「今仔日禮拜，今你當時欲轉去天堂？」伊講今仔日禮拜較夾，拜一才來去較聊寧。較停一霎仔久講，禮拜日來去也好，講按呢，靈魂離開世間，轉去天堂。對彼日庄中的人大家講無彩這个人，真忠厚、真老實，講話親像石裡鏨字。這个人是阮這庄裡信主的先覺者。這庄有20左右人得著道理是對伊的引chhoa7。阮才有這號的福氣，這會堪得予人做模範者。

請看報的兄姊替怹家庭內祈禱，予伊的子兒綴怹序大人的腳步來榮光主，是心所願