陳鼎環 (1911-1937)小傳

 

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

陳磐報- 「陳鼎環小傳」 《台灣教會公報��627號 1937年6月 p.18-19 [白話字原文,改為漢羅台文] 

陳鼎環是新巷教會的人,伊出世佇 1911年2月10日。到3歲的時,怹才得著道理,佇7歲時老父過身。阿叔、阿兄予伊讀公學校,生活困難,總是伊真守制,有時飯包tiõh chah蕃薯爿,iáu-k��伊歡喜,有時無食過頓。到卒業,有佮人蹛店,後來去做嘉南大圳監視所的「小使」,真老實,信用��勉強,無偌久kä伊升做工手。伊無讀中等學校,總是逐��有研究。伊的朋友bat講,少年輩teh做工課,無輸遐的老年人。論伊蹛本庄,佮人真和平,閣親切,有大有細,是一個有為的人物。佇教會真活動,閣熱心;無論佈道或是講道理,不止有口��、智慧。論做青年,有這款的信仰,thang講是模範者。伊佇一禮拜禁食一頓,做慈善的路用。實在佇教會,佇社會,是一個好德行的人。
可惜佇(1937年) 4月初,起腸仔病���到4月30號,就佇新樓醫館過身(去世),享壽27歲,受主chhöa轉去父兜。一下死,庄中���細攏講無chhái,濟濟人為著伊流目屎。教會失落一個要緊的人,實在傷心。俗語講:「好針快裂(l…h)鼻,好人快怪死。」伊是真有孝的囝,伊的老母若想著,就哭。伊的身屍佇台南火葬,總是伊的骨頭灰有thheh轉來厝裡。
佇 5月初2下晡4點,佇新巷禮拜堂舉行葬式。會葬者有嘉南大圳的職員約30人,佮會友約120人出席。將伊的骨頭灰埋佇新巷的共同墓地。彼一日,為伊流目屎的人濟,數念伊的好德行。上主意思bë違逆得,總是求施恩安慰伊親族。

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述