施俊州撰「巢窟文類 書寫民主化―― Ùi 李初雪 ê 明信片講起」《台灣教會公報》3291期 2015年3月23-29日 p.25；又見於《台灣文藝》第2年2號 (總3號) 2015年2月19日 p.40-42。漢羅台語文。

A-bú--á pêng-an,

Goán lóng pêng-an, m̄ -bián hoân-ló. Kan-taⁿ 1 日 ū thò͘ nā-tiāⁿ. Sàu hó--la. Góa lóng gông[tńg] tō khùn, hō͘ ポイサン kóng góa khùn bē-siān[?] sī-m̄-sī. 承[?]兄iā chin-chá khùn. I ū hō͘ kôaⁿ--tio̍h ê khoán. In[I ū] beh hit-àm sûi-sin[?] tńg-khì 東京. 發[?] í-keng xx--la. Chit-chūn 8 時 10 分, beh lăi khùn--la. オヤスミ A-soat

Chit 張明信片是筆者落重金 tī Yahoo 拍賣買--ê；hit ê 拍賣場有 leh 做 sa-khuh-lah，有開--淡-薄。Hit-chūn kan-na 知寫 ê 人號做「A-soat」，m̄ 知收批者 chī-chūi（礙 tī 隱私權，網路賣家 éng-éng ē kā 見本像頂頭 ê 字姓掩--起-來）。1 手交錢 1 手交貨（匯款了收 tio̍h mi̍h），chiah 知講收批 ê 人是李劉富（1893-1958，劉青雲 [1894-1982] ê 叔伯阿姊；劉青雲孫、劉改造 [1926-] ê 囝，劉克全 [1952-] 叫伊「富大姑婆」）；寫光批--ê 是李初雪，劉富 kap 李明道（1888-1962）ê 獨生女。1941年 6 月初 7，張信福君（1915-1996）kap 李初雪孃 tī 太平境教會結婚、tha̍h bó͘ 姓，chôaⁿ-á 叫做「李信福」；mā 普普 á thang 知李初雪 ê 年歲，pháng 1910年代尾、1920年代初出世--ê。

Chiah ê 菜瓜鬚肉豆藤 ê 親 chiâⁿ 關係，tiāⁿ-tio̍h 無法度 ùi 1 張 76 冬前寄 ê 明信片看--出-來，ài 讀 chit 2 ê 人 ê 著作：賴永祥，《教會史話》1-5 輯（台南：人光，1990-2000）；劉克全編著，《永遠的劉瑞山》（台南：自印，2004.08）；lóng 有網路資料 thang 參考（賴永祥長老史料庫，網址簡省）。牽牽--leh，劉克全 ê 阿姑慶理（1923-2011，劉改造 ê 親阿姊）嫁賴永祥；劉克全 ài 叫賴長老姑丈。Koh chiah ê 家族史是教會史要緊 ê 部門；賴長老 ê「史話」屬 tī 狹義教會史 ê 正宗，是台語文發展史 ê 重要參考資料，iáu m̄ 是直接 ê 台語文學史論。講翻頭，台語文學史 tio̍h ùi 白話字 ê 歷史觀點去看 chiah ê 史料。李初雪 ê 明信片 tō 是 chit lō 例，lán 讀--tio̍h ê 史觀是：書寫 ê 民主化現象。

「民主化」（democratize），意思 ta̍k-ê 知，ah nā「書寫民主化」chit lō 講法，tō ài 想--chi̍t-ē-ah。「民主化」tī chia，窮實是「平民化」ê 意思。民主體制以普選為原則，hoān-nā 有公民權--ê，不管你 cha-po͘ ah cha-bó͘、無論你好額 sàn，18 歲算大人、20 歲足 tō 有投票權。書寫民主化，éng-éng 是教育民主化（國民義務教育）ê 產物；i 普遍化 ê 特徵表現 tī 階級、性別、年齡等等制限 ê tháu-pàng，sui-bóng「民主化」éng-éng a̍h-sī 假象。

書寫民主化 ê 現象，khǹg tī 有殖民傳統 ê 台灣史來講，siōng 典型 ê 案例 m̄ 是日本時代 ê 日語教育、戰後 ê 中文教育，是教會系統 ê（台語）白話字教育。書寫民主化 beh 成，éng-éng ài 幾 ê 條件：目標語言是白話文，siōng 好是母語；koh 來，tio̍h 政府落去 bú，ēng 義務教育 ê 方式 sak 相當年限。白話字教育 sui-bóng 是廣義 ê「社會教育」，m̄ -koh 起頭 ê 教士會 kap 後--來 ê 大會、總會，有語文教育政策、有相當 ê 教育行政作為；頂透下，ùi 小學（主日學）、中學、大學、「書房」（報社），kàu kah 語文使用 ê 社會場域，創造生產、消費相對完整 ê 語文市場，mā 成就 100 冬有 ê「白話字時代」（-1969）。

《台灣府城教會報》第一張（創刊號：1885.07.12），公表「白話字 ê 利益」徵文入選名單 kap 作品。Tùi chia 起頭，關係白話字 ê 論述 têng-têng-tha̍h-tha̍h、長長短短落 tī 教會報、教會公報 ê 紙面；訴求--ê éng-éng tō 是書寫民主化 ê 理路。劉茂清（1857-1922）ê〈白話字 ê 利益〉（1886.02，《台灣府城教會報》7：2-3；閩台徵文第二名），tō 是 siōng 好 ê 例：「白話字 ē hō͘ 女人有智慧。婦 jîn-lâng ê 才調無 khah 輸 ta-po͘ 人，所以 ē 無學問，因為孔子字 oh 讀」；「白話字 ē hō͘ ta̍k 等做工 ê 人 ē 曉讀聖冊」；「白話字 ē hō͘ 人快著冊」、「Ia̍h ē hō͘ 看冊 ê 人快明」；「白話字 ē hō͘ sàn-hiong 人 ê 子弟有智慧」；「白話字 ē hō͘ 無受教化 ê 人 pìⁿ 做有教化；舊底無字 pìⁿ-kàu 有字」；因為「字 kap 話無 siāng」，設「生番」義學效果 bái，「nā 將白話字翻譯 in ê 音、讀 in ê 話，的確 khah 有應效」。

套劉茂清尾二段 ê 字句，sak 白話字有 ha̍h chit lō 理氣、利益：「男婦老幼、貧賤富貴 ta̍k 等 ê 人 lóng 讀 ē 起」、寫 ē 起；kin-sio̍k 是「書寫民主化」ê 文化好光景：ta̍k-ê to「作家」（writer）―― ē 曉寫字、有書寫素養 ê 人。像 chit 款廣義 ê 作家定義，是筆者 leh 編《台語作家著作目錄》、列作家名單所採用 ê 觀點――有寫，tō 是。相應--ê，作家著作 ê「文類」是開放--ê：書信、日記、筆記、報導（記事）等等，非創作（creative）類型 koah 在內。李初雪寫過明信片，是台語作家。伊 ê 老父老母――做過高中女宣道部役員 ê 劉富，tī 教會公報 792 號（1954.12）第 17 頁、「高中」通訊欄，寫短短--á ê〈屏東女宣道會 ê 消息〉；李明道，bat kā 許有才（1905-1984）ê 講道集《Góa ê An-ùi》（我 ê 安慰，1959）寫過序，koh-khah 是「失落」ê 台語文學史等 lán 去「發現」ê 作家。

Tiāⁿ-tio̍h 有 chē-chē 寫文學史 ê 人，對 lán chit lō 闊 bóng-bóng ê 定義真不目。Chē-chē 是 khiā 現代美學 ê 旗匾 leh giâ ka-tī ê 地位；有 ê koh-khah 是 phì-siùⁿ 白話字、phì-siùⁿ 白話字作家，無知、chôaⁿ-á 輕看 in m̄ -bat 窮究--過 ê 白話字文獻 kap hit ê 時代。筆者 kan-na 想 beh 正面評價、積極「挪用」chit 段歷史，thang 知台語文學過去、現在 kap 未來 ê 死活。

為 beh 知台語文學過去、現在 ê 死活，thang 做當代運動參考 ê 路用，lán iáu 有 sòa 篇 beh 探討書寫民主化 ê「假象」，koh i 附屬 ê 現象。請期待！

Goán lóng pêng-an, -bián hoân-ló. Kan-taⁿ 1 日 ū thò͘ nā-tiāⁿ. Sàu hó--la. Góa lóng gông[tńg] tō khùn, hō͘ ボイサン kóng góa khùn bē-siān[?] sī-m̄-sī. 承[?]兄iā chin-chá khùn. I ū hō͘ kôaⁿ-tio̍h ê khoán. In[I ū] beh hit-àm sûi-sin[?] tńg-khì 東京. 發[?] í-keng xx--la. Chit-chūn 8 時 10 分, beh lăi khùn--la. オヤスミ A-soat

Chit 張明信片是筆者落重金 tī Yahoo 拍賣買 ê；hit ê 拍賣場有 leh 做 sa-khuh-lah，有開--淡薄。Hit-chūn kan-na 知寫 ê 人號做「A-soat」，m̄ 知收批者 chī-chūi（礙 tī 隱私權，網路賣家 éng-éng ē kā 見本像頂頭 ê 字姓掩起來）。1 手交錢 1 手交貨（匯款了收 tio̍h mi̍h），chiah 知講收批 ê 人是李劉富（1893-1958，劉青雲 [1894-1982] ê 叔伯阿姊；劉青雲孫、劉改造 [1926-] ê 囝，劉克全 [1952-] 叫伊「富大姑婆」）；寫光批 ê 是李初雪，劉富 kap 李明道（1888-1962）ê 獨生女。1941年 6 月初 7，張信福君（1915-1996）kap 李初雪孃 tī 太平境教會結婚、tha̍h bó͘ 姓，chôaⁿ-á 叫做「李信福」；mā 普普 á thang 知李初雪 ê 年歲，pháng 1910年代尾、1920年代初出世-ê。

Chiah ê 菜瓜鬚肉豆藤 ê 親 chiâⁿ 關係，tiāⁿ-tio̍h 無法度 ùi 1 張 76 冬前寄 ê 明信片看出來，ài 讀 chit 2 ê 人 ê 著作：賴永祥，《教會史話》1-5 輯（台南：人光，1990-2000）；劉克全編著，《永遠的劉瑞山》（台南：自印，2004.08）；lóng 有網路資料 thang 參考（賴永祥長老史料庫，網址簡省）。牽牽-leh，劉克全 ê 阿姑慶理（1923-2011，劉改造 ê 親阿姊）嫁賴永祥；劉克全 ài 叫賴長老姑丈。Koh chiah ê 家族史是教會史要緊 ê 部門；賴長老 ê「史話」屬 tī 狹義教會史 ê 正宗，是台語文發展史 ê 重要參考資料，iáu m̄ 是直接 ê 台語文學史論。講翻頭，台語文學史 tio̍h ùi 白話字 ê 歷史觀點去看 chiah ê 史料。李初雪 ê 明信片 tō 是 chit lō 例，lán 讀--tio̍h ê 史觀是：書寫 ê 民主化現象。

「民主化」（democratize），意思 ta̍k ê 知，ah nā「書寫民主化」chit lō 講法，tō ài 想 chi̍t-ē-ah。「民主化」tī chia，窮實是「平民化」ê 意思。民主體制以普選為原則，hoān-nā 有公民權 ê，不管你 cha-po͘ ah cha-bó͘、無論你好額 sàn，18 歲算大人、20 歲足 tō 有投票權。書寫民主化，éng-éng 是教育民主化（國民義務教育）ê 產物；i 普遍化 ê 特徵表現 tī 階級、性別、年齡等等制限 ê tháu-pàng，sui-bóng「民主化」éng-éng a̍h-sī 假象。

書寫民主化 ê 現象，khǹg tī 有殖民傳統 ê 台灣史來講，siōng 典型 ê 案例 m̄ 是日本時代 ê 日語教育、戰後 ê 中文教育，是教會系統 ê（台語）白話字教育。書寫民主化 beh 成，éng-éng ài 幾 ê 條件：目標語言是白話文，siōng 好是母語；koh 來，tio̍h 政府落去 bú，ēng 義務教育 ê 方式 sak 相當年限。白話字教育 sui-bóng 是廣義 ê「社會教育」，m̄ -koh 起頭 ê 教士會 kap 後來 ê 大會、總會，有語文教育政策、有相當 ê 教育行政作為；頂透下，ùi 小學（主日學）、中學、大學、「書房」（報社），kàu kah 語文使用 ê 社會場域，創造生產、消費相對完整 ê 語文市場，mā 成就 100 冬有 ê「白話字時代」（-1969）。

《台灣府城教會報》第一張（創刊號：1885.07.12），公表「白話字 ê 利益」徵文入選名單 kap 作品。Tùi chia 起頭，關係白話字 ê 論述 têng-têng-tha̍h-tha̍h、長長短短落 tī 教會報、教會公報 ê 紙面；訴求--ê éng-éng tō 是書寫民主化 ê 理路。劉茂清（1857-1922）ê〈白話字 ê 利益〉（1886.02，《台灣府城教會報》7：2-3；閩台徵文第二名），tō 是 siōng 好 ê 例：「白話字 ē hō͘ 女人有智慧。婦 jîn-lâng ê 才調無 khah 輸 ta-po͘ 人，所以 ē 無學問，因為孔子字 oh 讀」；「白話字 ē hō͘ ta̍k 等做工 ê 人 ē 曉讀聖冊」；「白話字 ē hō͘ 人快著冊」、「Ia̍h ē hō͘ 看冊 ê 人快明」；「白話字 ē hō͘ sàn-hiong 人 ê 子弟有智慧」；「白話字 ē hō͘ 無受教化 ê 人 pìⁿ 做有教化；舊底無字 pìⁿ-kàu 有字」；因為「字 kap 話無 siāng」，設「生番」義學效果 bái，「nā 將白話字翻譯 in ê 音、讀 in ê 話，的確 khah 有應效」。

套劉茂清尾二段 ê 字句，sak 白話字有 ha̍h chit lō 理氣、利益：「男婦老幼、貧賤富貴 ta̍k 等 ê 人 lóng 讀 ē 起」、寫 ē 起；kin-sio̍k 是「書寫民主化」ê 文化好光景：ta̍k-ê to「作家」（writer）―― ē 曉寫字、有書寫素養 ê 人。像 chit 款廣義 ê 作家定義，是筆者 leh 編《台語作家著作目錄》、列作家名單所採用 ê 觀點――有寫，tō 是。相應 ê，作家著作 ê「文類」是開放 ê：書信、日記、筆記、報導（記事）等等，非創作（creative）類型 koah 在內。李初雪寫過明信片，是台語作家。伊 ê 老父老母――做過高中女宣道部役員 ê 劉富，tī 教會公報 792 號（1954.12）第 17 頁、「高中」通訊欄，寫短短 á ê〈屏東女宣道會 ê 消息〉；李明道，bat kā 許有才（1905-1984）ê 講道集《Góa ê An-ùi》（我 ê 安慰，1959）寫過序，koh-khah 是「失落」ê 台語文學史等 lán 去「發現」ê 作家。

Tiāⁿ-tio̍h 有 chē-chē 寫文學史 ê 人，對 lán chit lō 闊 bóng-bóng ê 定義真不目。Chē-chē 是 khiā 現代美學 ê 旗匾 leh giâ ka-tī ê 地位；有 ê koh-khah 是 phì-siùⁿ 白話字、phì-siùⁿ 白話字作家，無知、chôaⁿ-á 輕看 in m̄ -bat 窮究--過 ê 白話字文獻 kap hit ê 時代。筆者 kan-na 想 beh 正面評價、積極「挪用」chit 段歷史，thang 知台語文學過去、現在 kap 未來 ê 死活。

為 beh 知台語文學過去、現在 ê 死活，thang 做當代運動參考 ê 路用，lán iáu 有 sòa 篇 beh 探討書寫民主化 ê「假象」，koh i 附屬 ê 現象。請期待！