許定田長老小傳

 

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

黃仁壽牧師撰 「故許定田長老」 《台灣教會公報》612號,1936年3月


許定田長老是田中教會現任e5長老,真濟人bat伊;因為伊信主已經有40 年,做長老久久,熱心鼓舞教會。伊ti7 40 年前,就是30 歲e5時,有受著hit時e5信者蕭阿希、劉國治、蕭阿更引chhoa7來信主。Ti7 1896年,就是伊34 歲e5時, ti7崙雅教會對宋忠堅牧師(Rev. Duncan Ferguson)領洗禮進教。無偌久就做執事,倚1、2年久,就koh hou7人揀做長老。後來因為田中有設教會,伊e5厝較近田中,就ti7 1927年9 月17 日,移轉來田中教會。同hit年12 月11 日,就任田中教會e5長老。

無扑算ti7(1936年)新曆1月9日,染著肺炎e5病,到18日早起倚7點e5時,安然歸天,kap主相kap toa3,享壽71歲。Ti7 19 日e晡2點, ti7伊厝做告別式,赴式e5人有500左右。大家攏真m7甘,thang知伊e5做人。

今記幾項來數念伊:

  1. e5信仰堅固伊信主e5時,雖然tu2著家族、厝邊、朋友e5恥笑窘逐,又koh受著生活困難e5壓迫,伊無失志,對伊e5信仰來奮鬥,會thangchhoa7e5家族信主,又koh得著生活e5富裕。

  2. 熱心服事主   長老信主到今40年久, kan ta為著破病5禮拜無到拜堂na7 tiaN7。又koh逐禮拜對拜一到拜六,攏去逐所在探會友、佈道。Ti7病中iau2真數念教會,也苦勸人著致意服事主,所以對伊引chhoa7來信主e5人真濟。又koh若看著會友冷淡,禮拜少人,就真煩惱。

  3. Gau5同情人   gau5同情tu2著困難e5人,koh較致意,就是教會tu2著艱苦e5人,若知就常常去安慰伊、幫贊伊。所以真濟人聽著伊死,為著伊來流目屎。

  4. 歡喜捐te5   若有人去ka7伊捐te5,濟少攏有。

  5. 和平e5  e5做人,逐項有真gau5吞忍,凡事ai3讓人,無ai3 kap人計較。

長老一生熱心服事主,為主e5教會著磨,真thang hou7人數念,hou7人學。聖經講:「今以後ti7主來死e5人有福氣;聖神講,是啦!Hou7 inin e5著磨來安歇, in所做e5工也toe3 in」(啟 14:13

伊有4個後生,1個查某子;大子現任田中教會e5執事,第2個就是傳道師許天賜先生。求主幫贊伊e5子兒,會接續伊e5腳步。

 

 

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述