澎湖西嶼許統小傳

 

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

李存洲撰 「小傳澎湖許統執事」 《台灣教會報》440卷,1921年11月

按:1886年,甘為霖牧師 (Rev. William Campbell),與高長、李豹由白沙坐船回馬公的途中,船遇到暴風,被吹進西嶼的竹篙灣沿岸並擱淺。甘牧師上岸後,在竹灣村廟口佈道,有二百多村民來聽,最後有許懇、楊臣兩戶人家表達願意相信基督。之後信徒開始受到迫害,第二年,神學生趙挽(時回,1864-1909,參見傳道趙時回小傳)被打成重傷,而許懇之子許統被打斷肋骨三根。


許統伯是屬西嶼的教會。1902年受洗禮,今(1921)年受揀做執事。對入教會了後,熱心拜上帝,勤守聖日。雖然對著真濟的梱逐(khun2-tiok8)也無餒志;有時魚掠掠hou7世俗人搶搶去,也無beh kap人計較,做人真親切,厝邊人人好;真正是真的基督徒。西嶼的教會攏是倚靠伊1人teh料理設法,本身真甘願做主理,招人來禮拜;真正是西嶼教會的光燈。

今無垃! (1921年) 10月7 日,就hou7主召伊離開世間,享壽51歲。攏總破病20外日久,10外日be7講話。佇 teh beh死的時,iau2會開嘴苦勸會友著熱心拜上帝,著有智識。厝邊聽著伊死,逐人無m7吐氣流目屎講,可惜ah,無采這的人;an2-ni就thang知伊做人的確bo5 taN2 kin2(沒話說)。總是有一項thang安慰咱的心,就是伊有熱心拜上帝,的確得著主賞賜伊大平安快樂的所在。有一項通煩惱,就是伊的子兒猶細漢,道理無甚物會明白,koh kan ta插雜佇世俗人的中間,驚了會較餒志。請看報的兄姊替in 這家祈禱。

 

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述