旗後陳全小傳

吳萬生撰 「故陳氏全e5小傳」《台灣教會公報》654號，1939年9月

陳全守寡，在旗後以「協和」為店號經商，在教會擔任執事有年，於1939年7月7日去世。 其母仍在，子有李福來、李佑來，而女有李鳳（執事，愛兒園教員）。  

鄙人(吳萬生)佮故全官相bat(識)以來大約20左右年，照所知來表白淡薄伊e5略歷。伊ti7台南就聽tioh道理，初次到旗後，伊kap老母以及伊e5兒女：男李福來君、李佑來君；女李氏鳳sang3(樣，日式稱呼)。細細漢做生理teh生活，代先細細，有時出外行商，經過困難；做人真細膩，be7免tit有時枵飢失頓，受風受霜、受炎熱，實在筆墨難tit形容hit e5 to大,所得亦是小寡。佳哉勤儉持家，真gau5設法，教育子女有義方，致到攏得著相當e5栽培，大家ti7高雄一公(第一公學校)畢業，相續老母e5意志做生理，老母做家庭顧問、也做總指揮，到今發達非凡。店號「協和」，真正有達協力和心e5目的。

女子李氏鳳sang3,再進高女，到畢業，hou7旗後教會聘請做愛兒園e5先生。後來為都合上暫停。 然後受聘請做平和幼稚園e5先生。那經驗、那感覺科學e5滋味，最近留學東京保母學校，畢業回鄉，本教會再三交涉，請伊援助愛兒園，來教育chiah e5兒童，得tioh伊e5誠意歡喜承諾。伊e5意志掠chiah e5兒童做伊e5本位，亦是伊e5唯一e5工作。

故全官做執事幾若任，伊也toe3老母e5腳步做執事，現時iau2在職。子趁老母做生理，做查某子亦an2 ni teh前進，這真少，真正是sian7祈求，子承父業；khoe善事，子就加生e5事實，會得良子承業女子e5優秀，出類拔萃，攏是tui3 全官e5節烈、守寡清白e5結晶。推其原因，就是全官信道堅心，甘願背主e5十字架。

Ah！無扑算ti7十數日前生嘴角疔，西漢(醫)罔效，內親外戚、朋友、兄弟姊妹，千般萬計、想無良方，無法可醫。嗚呼哀哉！人生若朝露，萬事e5結局到lah， ti7 7月7號下晡近4點，主揀召伊煞伊e5工程，入天城，ti7 hia無病、無死、無流目屎。今入ti7主e5快樂lah！Tui3物質的來想，是tu2 tu2 beh入享樂ti7家庭，就永眠，be7禁tit流同情e5目屎。若精神上來想，是不止thang歡喜e5所在。伊出外ti7世間50年，ti7天命，今回天家，是歡喜e5事��免煩惱，因為耶和華看伊e5聖徒e5死、做寶貝。耶穌講：「信我e5人，雖罔死，iau2 ku2 beh活。」

伊e5遺族，���時兩個後生、兩個新婦、一個查某子、一個查某孫仔，以及年老e5老母。願主保守in、看顧伊e5遺族，會得繼續疼主，後���ti7天thang相見。