|
鼓不打不響 |
|
首頁/ English / Japanese Entries/ 本土信徒 / 史話 / 諸家論述 / 宣教師 / 外國神父修女 / 原住民 / 日人列傳 / 賴永祥著作/ 馬偕周邊 / PCT/ 劉家雜錄 |
|
敬愛的鄉親,兄弟姊妹,大家平安! 「波士頓台語進步社」社長林俊育先生ka7咱安排一場有關「台灣俗諺」的演講會,時間是(2006年) 8月31日8點;演講的所在ti7「波士頓台灣基督教會」。到時,請諸位光臨指教。 諺語是句式相當固定的語句,伊的修辭多采多姿,非常美麗。伊的話詞,會「粗」會「幼」,有「文」有「武」;粗,粗kah紳士叔女,呣敢聽koh卡呣敢講;幼,幼kah親像老翁某teh相褒;文,親像蠶仔吐絲;武,可比siau2狗掙墓壙。咱的台灣俗諺koh-kah是真有夠力的話:Ti7 2000年台灣大選,李前總統一句「捾籃仔,假燒香」,就互某一個候選人的龜腳、馬腳趖趖出來。呣是kan-na7有力,台灣俗諺蘊藏tioh8祖先真豐富的「人生的智慧」。 有關「人生的智慧」的台灣俗諺真濟,三年四個月嘛講boe7了。所以,我會限制ti7卡趣味koh卡通俗,也是比較典型的,有關係「價值觀念」的俗諺來解釋。這方面的台灣俗諺,會通清楚看tioh8 的重要觀念,thang 分做七個範疇: 1. 長命健康,快樂又逍遙 2. 錢財無數,白銀濫黑金 3. 名聲響亮,玉蘭或豬屎 4. 權大位高,雞犬夢升天 5. 學深知廣,鰗鰡躍龍門 6. 德行高尚,人品有招牌 7. 家庭和順,碉堡兼戰場 舉出幾句來做參考,親像: 活乞食,卡贏死皇帝。 人在人情在,人死兩分開。 有錢上海,無錢上害。 馬行無力皆因瘦,人不風流只為貧。 人愛人皮,樹愛樹皮。 著互千人呵咾,呣通互一人嫌。 虎頭柑,擺店面。 有人救李世民,無人救秦叔寶。 有頭殼,驚���紗帽﹖ 秀才無假,把戲無真。 半部論語治天下。 墨斗拍一下,卡���眾人畫到嘴鬚白。 萬丈高樓從地起,英雄何論出身���。 一字值千金,千金難買聖賢心。 五百冬前共一鼎,恁房通阮廳。 一代姨,二代表,三代煞了了。 有關「智慧」的台灣俗諺實在真濟,講boe7 了,識boe7盡。真抵好,這個題目是我已經開始動筆teh寫的《台灣俗諺語典》第九卷「應世智慧」的主題(預定ti7 2006年底a2是年初,由台北前衛出版社出版)。所以ti7 chit-pai2 boe7 thang 講tioh8的同類諺語,攏oe7-thang ti7 語典第九卷看tioh8。 台灣鄉親,a2-si7有趣味台灣俗諺的小姐、先生,大家ti7炎熱的夏天,做伙來講、來聽真sui2,真趣味的台灣俗諺,應該是一款相當高級koh文雅的心智活動kap消暑的好方式。 這pai2「台灣俗諺的智慧」的演講會,iau2-u7有一項重要的目的,就是愛喚起諸位鄉親關心咱的母語。請大家做伙來協助台灣語文的發展kap推廣。咱知, 「李江卻台灣語文教基金會」kap「波士頓台灣語進步社」,出錢出力teh phah-pia”3 ,in攏需要大家的關心kap 支持。 「鼓不打不響,話不說不明」[Ko’2 put-ta”2 put-hiang2, oe7 put-soat put-beng5]! 用這幾句話,敬請大家光臨指教。 陳主顯敬上 Mainz. 10 July, 06 首頁Home/ 本土信徒總檔 / 教會史話總檔 / 宣教師人物總檔 / 外國神父修女列傳 / 日人列傳總檔 / 原住民信徒 / 諸家論述
|