宋賜 (澎湖後寮的老信徒)  

摘自「數念故人」《台灣教會公報》 932號 1964年4月15日 p.12 p[原文是白話字]

後寮教會老信徒宋賜，佇 (1964年) 4月5日受主揀召歸天，享受77歲，佇4月8號下午兩點，有佇後寮教會舉行告別禮���。媽宮，啟明，講美，鎮海，赤崁，瓦硐，後寮等教會，攏有兄姊參加告別式。佇告別式中有一項感動人的��，就是故人ê遺族攏無信主，閣出外佇台灣，只有留老父母佇厝裡。佇告別式中喪家代表講謝詞������後，有故人的長子宋力(48歲)，佮大孫宋慶祥(18歲)行來台前，表白從今以後beh信主耶穌，綴怹的序��人的信仰來行天路;予參加葬式的人受感動。真感謝上帝，聖神的做工感動人歸伊.這是因為故人兩三年來破病袂通起床，後寮教會鄭天賜執事夫婦每日有去 kā伊看顧，表現佇主內的疼心行為，也看見主內的兄姊遐濟人參加葬式，紲受感動決心beh信主。實在真感謝主，宋賜老信徒的死，親像一粒麥落佇地nih teh結實啦. 宋力兄弟的現住地是屏東縣九如鄉九青村 120之1，順紲請該地方的教會，今後去kā 怹探訪佮培養怹的信仰。