吳蒙楚 (吳葛,1853-1901)  

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

巴克禮(Rev. Thomas Barclay) 記 「吳蒙楚」《台南府城教會報》196卷 1901年7月 p.53-54。
關於傳道吳葛,見《教會史話》151 吳葛多產而聞名 等文。

26年前,就是光緒元年(1853年),我頭ē來台灣的時,彼tia̍p有四个少年人來踮佇旗後李牧師(李庥,Rev. Hugh Ritchie)的樓跤teh讀冊,有請林兼金(參見《教會史話》160 自澎湖來的讀書人)做先生來教。 In四个就是林華,劉茂清,吳葛,陳新代;後來四个攏擔當傳道的職。現今一个無teh擔當;其餘三个 chham牧師,先生已經攏過往。從中路尾(最後)死的就是吳葛 (冊名蒙楚)。
吳蒙楚是鹹埔仔人。伊的老父吳著,是鹹埔仔頭一个信的人(請參見《教會史話》150 划竹筏的吳著),原本受伊的親人不止窘逐伊,然後大家攏降伏。伊佇幾nā年前已經過往,伊的婦仁人著嬸(劉幼)卻猶過佇teh。吳蒙楚出世佇主降生1853年,到19歲chiàⁿ受洗禮入教。
伊做傳道的先生不論到甚乜所在攏得著人呵咾伊,差不多毋捌聽見人嫌伊。因為伊盡忠著磨,忠信無奸詐,不止老實的款。也捌踮佇府城的中學(長老教中學)做先生;彼時予余先生(校長余饒理,George Ede)足呵咾,學生也真尊敬伊。
伊有娶東港何來發長老的查某囝邱銀(參見《教會史話》158 東港何來發家系),有生15个後生查某囝 (9男7女,時吳蒼玉未出世;參見吳葛、邱銀 家族相片); in這陣攏齊佇teh。一个(吳希榮)佇大學讀冊,一个(吳希揚)去踮佇彰化的醫館做蘭醫生(蘭大衛,Dr. David Landsborough)的學生。伊的大查某囝(吳上愛)今年有嫁傳道先生汪培英。可惜幾nā年前有拄著破病,原本是嗽,後來致肺病。伊的小弟吳晹鳥Ъ憟矷A也是為著這个病chiàⁿ死。彼時人愛請伊做牧師,伊定著辭,一項是因為lám身命,一項是因為伊的囝hiah濟伊袂得通盡牧師的職份,常常出外去巡教會。若毋是按呢,伊穩當已經予教會設立伊做牧師。
到舊年伊的病ná傷重,袂ē上台頂講道理予人聽。雖然是按呢兄弟無嫌,猶原歡喜提銀來請伊;因為看伊的好德行毋nā教會內的人,閣會外的人也受感激。今年伊的囝(次男)希榮佇hia teh教小學,佮伊的兄(吳臥龍)有替in老父講道理。
近來ná久ná-lám,毋過心攏平安。佇6月第9號(舊曆4月23)就是安歇日,伊有叫兄弟聚集一人一人細聲仔共in苦勸;到hit ê-hng暗chiàⁿ過身。
佇拜二頂晡出山埋葬佇教會的公埔中。因為有摃電報來通知阮遮,彼時宋牧師(宋忠堅,Rev. Duncan Ferguson) chham汪培英有連鞭起身坐火車去埤頭,拜二早起到阿猴(屏東)送葬。災難死失現時連累,上久不過幾年,Taⁿ咱心肝著受安慰,向望相見佇天。
 

 

 

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述