吳可免長老 (1892-1963)  

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

摘錄「數念好人好事」《台灣教會公報》913號 1963年7月 p.13

按:吳可免(1892-1963)是吳葛傳道師的8男,妻許柳,育5男1女。


吳可免長老是佇(1963年)6月15號過世,佇屏東教會舉行葬式。 吳長老是1892年出世佇小琉球教會,吳葛傳道的家的第8後生,到3歲綴老父來蹛屏東教會,直到長成。自青年時代以後,對教會的工,無論是教主日學,做校長,執事,長老,逐項都肯做,肯服務,自佇昭和初年區議會時代做代議長老,到中會,大會至到總會時代,真罕得看著伊無來出席。
伊做事業也真有經驗閣gau5做,親像建築事業佮建築材料真內行,所以以前彰化醫館,後來高雄醫學院,特別請伊做建築技術的監督顧問,到年老猶閣逐日去高雄醫學院直到最後。
吳長老也gau5栽培子女,大囝(吳晨鐘) 日本醫科畢業,欲轉來的途中,可惜為戰爭失事,第二囝(吳朝臨)服務佇屏東教會,第三囝(吳若霖)服務佇鐵道局,第4囝(吳煥堂),第5囝(吳耿堂)攏是台大的學士,一个佇電力公司,一个佇水泥公司,一个查某囝(吳淑美)東京保母科畢業,嫁予南投的吳上忍女士(夫謝斌醫師)做媳婦(夫謝經醫師)。
 

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述