|
廉德烈牧師第二次巡視後山教會 (1913年) |
|
首頁Home /本土信徒 / 日人列傳 /宣教師 / 洋神父 / 原住民 / A / B / C / D / E / F / G / H / I-J / K / L / M / N-O / P-Q / R / S / T / V / W |
|
西曆(1913年) 11月19日(農曆10:22)我(廉德烈)對打狗落船欲去後山,佇船裡閣暝天光就到卑南(台東)上陸。佇遐歇暝就起身欲去石雨傘(就是後山第一所教會蟳廣澳教會) ;路中日本官佮警察gâu替人設法倩工。有一暝佇派出所歇睏,受怹好款待。欲暗就到石雨傘,無機會通問道理,所以不得已著加蹛佇遐一禮拜。 在11月30佇石雨傘行洗禮予兩个大人,也有接納兩个自細漢已經領洗禮的。又閣有行洗禮予兩个囡仔。 12月第1號起行,代先佇Chio̍h-lêng-pōu過暝,後來過山到大庄(東里),第三日早起就到石牌過一禮拜。佇安息日行洗禮予3个大人,也有接納兩个自細漢受洗禮的;紲行洗禮予8个囝仔。 閣一禮拜,就是12月7日,佇觀音山守晚餐。有行洗禮予兩个大人佮兩个囡仔。有一个兄弟本受禁,到這pang佳哉閣接納。禮拜日也有設立張月生兄做新的長老。伊本身是真熱心;伊的老父叫做「源叔」,土名號做「道理源」(就是張源春),因為伊起頭傳報福音佇後山。 對觀音山坐輕便到馬太鞍(光復),對遐閣坐小火車,siāng彼日就到花蓮港。佇遐歇三暝,受傳道師陳木生的好款待。本然佇12月17日愛搭 「基隆丸」到打狗,總是海湧非常大,船客攏袂得上落,不得已著等候到20日,才搭「安平丸」到雞籠頭(基隆)。佇遐去到拜堂予傳道吳先生(就是吳廷芳,1870-1929)請。彼間 是暫用,閣無偌久欲起新拜堂,照聽穩當會起真chhoàng。對雞籠(基隆)搭夜行的火車到台南。 這pang出外佳哉真好天,較有通巡會友佈道有較活動。可惜懸山的青番真歹,常常愛出來刣人,致到遐的百姓真驚。 首頁Home/ 本土信徒總檔 / 教會史話總檔 / 宣教師人物總檔 / 外國神父修女列傳 / 日人列傳總檔 / 原住民信徒 / 諸家論述 ? |