花翹奇在安定佈道協助建堂

花翹奇在安定佈道協助建堂

 

頁Home /本土信徒 / 日人列傳 /宣教師 / 洋神父 / 原住民 / A / B / C / D / E / F / G /  H / I-J / K /  L /  M  / N-O / P-Q / R / S / /  V / W  

「花博士佇安定」《台灣教會公報》860期 1960年8月 p.15-17


花博士(花翹奇 George Hudson) 的天幕佈道佇台灣已經是一項出名的存在。伊毋若佇各所在開佈道會協助已經有的教會。就是佇嘉義中會有協助過路教會的建設,佇東部中會協助新城教會的 建設。閣對4月起,來南中幫贊安定教會的建設。代先開天幕佈道會,後來開慕道友的造就會,後來就施行洗禮接就聖餐,逐擺攏有真大的收成。到結局,閣對天幕 佈道隊預算撥káng萬箍來協助會堂新建的工作。伊本身現時70外歲,照伊講50外年來毋捌破病,致到倒床,毋捌食藥。伊的中國話真流利,報道有能力。本 身擔當對囡仔佈道;見著人笑哈哈,一所在過一所在按呢傳福音,按呢鬥建設教會。

Taⁿ安定的建堂已經完成,順續佇隔壁庄腳起一間竹柱跤厝欲做佈道,平時聚會佮主日學的路用,到主日通chhoā遐的求道的人過去安定參加禮拜。 這次建堂,安定本身有歐陽斷執事獻土地,有in本會,母會善化,台南中會佮P.K.U.的補助;總是kan-ta花博士的佈道團就捐助4萬銀。到7月11日落成的時,看見拜 堂真堂皇閣美麗,講台,椅桌,會眾椅條攏齊備。實在感謝主。

花博士佇5月到獻堂彼中間,共兩月外日佇安定做工。到欲落成的前18日間,佇新起好的拜堂有閣集中佈道;18日久總共有9000个聽眾,有128人來簽名 求道。佇遮有閣舉辦定期的集會,就是主日學,主日頂下晡禮拜,婦人會,青年的主日聚會;佇週間也有佇禮拜堂佮小厝開祈禱會,求道者的造就會佮聖歌隊的練 習。

佇隔壁庄腳蘇厝的聚會所也有開佈道會4日,聽眾共有3000,來簽名求道的有36人。佇遮每主日有360个囡仔來赴主日學;每拜二暗為著求道者佮in的朋友有開造就會,利用這个會通將重要的道理來教in,出席者照報告攏真踴躍。

7月10號的主日,有38个受接納進教。舊的正會員有9名,這pang得著遮的新的合做伙,taⁿ有47个正會員lah。彼日有設立一个長老佮一个執事,閣有加6个小兒行洗禮。Siāng日大家也有共守聖餐。

7月11日獻堂典禮。中會議長 ,書記佮諸要員有來主持參加盛會;來赴會的來賓差不多是對附近20位教會來的母會善化予大家稱讚數念in為著這間教會設立所顯出的著磨。尤其是花博士佇典禮中特別引腓立比3:13,講起「遠大的眼光,」引希伯來11:1,講起「堅定的信心。」引尼希米,講起「合作,」講chiah的就是建設安定教會的精神,對這个會通日日看見進步的現象,對按呢閣較予大家佇歡喜慶祝的情事中得著勉勵。

Taⁿ花博士佇典禮了連鞭收拾伊的天幕,暫時轉去淡水歇睏,然後到台北縣中和鄉開佈道會,了後就欲閣來南中善化教會所teh開拓的大內佈道所,佇遐親像佇 安定一樣來展開伊的傳道理,設教會的事工。大內現時已經擦目睭teh等候,善化也teh等候,南中也攏teh等候期待。求主施恩祝福 阿們。

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述