傳道徐春枝小傳

 

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

傳道徐春枝(1854-1907) ,可參見《教會史話》379
《台南教會報》269期 1907年8月 p.60-61 由白話字改為漢羅台文如下:

徐先生春枝e5小傳 編輯室
春枝徐先生是鳳山縣,竹仔腳下舖庄e5人,細漢死老父,老母koh嫁; hit時無thangk依倚,姑不將著去佮人toa3,做工趁食,伊e5頭家是竹仔腳庄番婆叔,hit時伊得著道理就續coa7伊去聽。Ti7同治十年也bat讀過小學,拜呂清輝做先生。Ti7 1873年3月16號,就是同治12年2月8日,對李牧師(李庥,Rev. Hugh Ritchie)受洗禮入聖教;hit時抵20歲。
到同治13年(1874年)台南e5大學欠學生,人看伊是可取,大家舉薦伊,就hou7牧師叫伊來府城讀冊,學習道理,資質iau2好,所以比別人不止gau5讀。光緒6年(1880年)就出業,hit時�����生28歲。
頭一擺出學去toa3橋仔頭,也娶先生娘,是鹽埔仔庄,熱心e5長老吳著伯(吳著)的大查某子(吳圓)。先生做傳道26年久,計共toa3 14所在e5禮拜堂,逐位合會眾不止和睦;有所在也bat兼教小學,hou7學生對伊受濟濟利益,所以有e5 thang入中學,有e5 thang入大學,可見先生也是gau5教學。論伊教冊e5學問,是贏過眾窗友。
先生有時也是gau5鼓舞兄弟姊妹;早年東港常常火燒厝,伊就合其餘當職e5人設法起一間硬壁e5瓦厝;現今這間灰khou3起e5,就是先生ti7東港e5時起e5。
先生少年e5時有犯著流鼻血e5症,有時流歸暝歸日,佳哉食藥有好;m7 ku2然後染著肺病e5症,身體日日愈lam2,雖然hou7醫生看,食藥無甚物較好。舊年教士會議論著換伊來ti7鹽埔仔庄,hia是海口,向望tiam3 hia��會愈好;無扑算今年(1907年)舊曆3月19過身ti7鹽仔埔e5禮拜堂,享壽54歲。Ti7 21日出山,有東港、竹仔腳、溪洲e5會友約略百外人送葬。先生離開世間去chhoe7主,算是脫離艱苦得著福氣。現時伊e5����娘(吳圓)、2個後生、4個查某子,be7免有憂悶煩惱。請列位看報e5人替in祈禱,向���天父安慰in e5心。現時徐先生娘,佮伊e5後生、新婦、查某子攏搬去tiam3竹仔腳。  

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述