我所尊敬信仰上的師友

 

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

張崑遠撰《台灣教會公報911 1963年6月1 P.12-1315  漢羅台文

張崑遠牧師(1905-1997),在此文特別提起感謝神學校詹德建、吳清鎰兩學友及老師吳天命牧師。


受李主筆e5要求,將頂面e5題目,寫這篇,暴露我e5人生中重要e5一段,thang做我本人e5感謝,若會做看報e5兄姊e5參考就真感謝。當我讀中學e5e5窗友,聽見我讀神學校,閣做「牧師,」逐个就講,「真奇怪。」因為當20歲前後e5我,是血氣到極風光,不時愛出風頭,趁做「牧師囝」優越e5條件,(當時讀淡中,牧師囝確實有較便利) 老爸做牧師e5致蔭,感覺加真有勢頭,所以無人敢想我會做「牧師,」也會堪做「牧師。」就我家己對信仰上e5問題,也是奉行故事,只有親像食飯,吸空氣,無啥物感激,閣較無啥物「感激」thang講,雖罔老爸是牧師,我是大囝(長子),應該著續接老爸e5「衣缽」總是連想就無。根本予人公認是一个「歹囡仔,」予學校真為難e5注意人物。

不過上帝e5聖旨意,是極其「奇妙e5。」我會thang徛在ti7信仰,閣會thang1932年起做傳教者到今仔日,無lang3-cham7,實在是上帝「奧妙」e5作為。「信仰e5師友」是真oh chhiau-chhe7,事實也是真少。我20(畢業)淡水中學了後,有ti7自動車會社(Bus公司)kap ti7tai7代書e5所在食頭路(就職),是因為我是大囝,老爸愛我共伊鬥分phin3家庭e5重擔。Ti734e5中間,雖罔有趁一寡錢thang予老爸相添疊,總是我e5心攏無滿足。毋是我毋願做,事實是因為我e5內心未安靜。我猶ti7公學校(小學)e5時,有老爸e5好朋友,鼓勵我去考 8年制e5醫專,有欲ka7我出學費,總是老母是愛我讀神學。伊不時就獎勵我,著準備thang予主用。結果我無考醫專,是考淡中,ti7淡水讀5e5冊,卒業了,in為著鬥負擔小妹,小弟e5學費,所以無去讀神學校。(雖罔老母不時咧念),家己也無想欲讀。總是ti734年久,實在是非常e5空虛,心神攏boe7安定,ti7心內親像有風湧咧起落!老母勉勵e5聲音,自然抑ti7 hit中間咧溢來溢去。一心想,著來去讀神學,總是閣一心想著老爸擔重擔,未做得看伊予家庭咧 kah un2-ku落去。Ti7兩難e5中間,有聲共我講,「你若死了欲去陀位」我就kap老母參詳(老爸出差無ti7),閣得著陳清義牧師叫我提出願書,(彼時拄好是招生期),我就ti7 1928e5 4月得著允准,入ti7淡水e5台北神學校讀冊。

讀一學期到歇熱(暑假),受派ti7中壢教會幫贊兩月日,問題ti7這个以後發生!就是第二學期開學e5以前,我接著明有德校長e5批,叫我慢才去上課。青天霆大雷!!聽見e5人逐人攏戆愕,即時調查,結果,講是舍監先生報告教授會講,張某某無傳教e5精神。校長也就採納伊e5意見,命令我毋通去赴開學。到底是為著怎樣才會受著hite5報告kap處分?就是為著炊事e5問題。逐禮拜日,阮學生因為出去做工,有e5暗時會較晏轉來,總鋪(廚師)嫌費氣,就對舍監先生叫苦,致到舍監先生共總鋪講,若過時間攏共伊捧拚落賁(phun)。拄拄彼時,阮幾仔人ti7 hia聽見,我就好膽應舍監先生講,hia e5人較晏轉來,是為著去做工晏轉來,人就真sian2,閣無通食太會用得。設使若未用得食,嘛毋通拚落賁,真扑sng2,隔早起嘛會thang hoah lin-long (阮有這款習慣)。為著按呢,講是無順服舍監,將來無精神thang傳教。 啊!聽見e5人,逐个就講真奇怪。我e5同學逐个就講想未chhun,特別我e5知友()清鎰kap()德建有去請問校長,對伊疏通意見講,「有傳教e5精神抑無,thai有人會知。當然也有將事情報告校長,所以有得著校長答應欲閣開教授會來設法。德建kap 清鎰 in兩人,一面向學校當局交涉,疏通;一面寫批勉勵我毋通失志,聽候教授會e5決定,in講的確有通繼續讀,甚至德建親身來kap家父講起一件事,也鼓勵我著奮發,聽候好消息。開學了,果然得著教授會有條件e5允准,就是試讀,也停止支給每月e5獎學金7月日久。教授會議決了,猶未共我通知e5以前,我就收著一張電報對淡水來e5,發報人是詹德建,報我好消息,叫我緊準備去上課。我所受e5感激,是未講得!!雖罔了後收著學校嚴厲e5公文,我有顯出人的情,想毋愛去讀,總是因為我e5摯友清鎰,德建e5鼓勵,屈而受-chi3(至少ti7 hit時我有按呢想)閣倒轉去繼續讀冊。雖罔有閣聽見舍監先生共阮e5同學講,「張某某讀boe7卒業,若讀會卒業,做傳道也做無半年。」這款讖語e5話予我真傷心,猶閣為著chia e5摯友安慰kap鼓勵,才會通讀到卒業。對1932年到今仔日,無間斷咧服務ti7教會,若毋是有chia e5摯友,穩當會照舍監先生所讖語e5 「讀boe7卒業。」

Ti7 chia閣一个予我數念e5人,就是吳天命牧師。當我試讀e5期間中,我著做苦工,(e5同學攏毋免做),才有通得著淡薄做費用。吳先生可憐我,一面每月兩箍銀,(hit150e5蓬萊米是6thong2,一斤赤砂糖是角二),幫贊我e5經濟,到學校閣予我領為止,閣一面做我e5先生,教我神學,也ti7光,ti7暗幫贊我e5信仰,予我免chih8- cham7

得著李主筆嘉牧師愛我寫「我所尊敬e5信仰上e5師友」e5時,我寫chia e5來數念我e5摯友德建兄,我e5先生吳天命牧師,kape5老母,以及忍苦 ke taNe5擔,予我去讀神學e5e5老爸,in攏轉去天堂啦!也感謝我e5校長kap舍監先生,in 嚴厲處分,有加強我e5不屈e5精神。也感謝上帝,予吳清鎰牧師猶佇咧,thang繼續做我e5信仰e5幫贊者,我也繼續感謝kap拜託伊e5支持。真可惜!!足足31年久我e5傳道者生活中,無thang che7著對我出信仰e5果子。總是我迫切懇求上主憐憫赦免我,予我ti7晚年會較有成就。

 

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述