「故郭英國長老」《台灣教會公報》992號1966年10月15日 P14

按：郭英國長老，1900年11月29日生，1966年9月18日去世，是社子庄郭川的長孫（參見社子庄郭川裔譜）、是郭頭長老的長男；育2男3女，長男郭壽安（1980年5月25日按立長老）、次男郭長安。

屬台北中會士林的三角埔教會的長老郭英國先生，佇(1966年) 9月18號過世，享壽66歲。

郭長老佇民國前11年出世，經過淡江中學佮台灣神學院， 民國13年(1924年)畢業做傳道， siāng年結婚， 隔年就應聘擔當馬偕醫院事務長，直到民國32年(1943年)馬偕醫院解散，共18年久，然後chiah去台北市私立仁濟院做事務長， koh當事務長到最後。

郭長老自民國16年(1927年)當執事過17年，然後當長老也到最後也有17年， 這中間做中會會計，大會檢查簿冊的主任，總會做財務處長，有真大貢獻。

郭長老做人忠誠，寡言，對待人真誠懇，服務教會真出力，所以bat伊的人都攏真欽仰伊。

伊有兩的後生，一個佇第一銀行，一個佇士林鎮公所；三個查某囝，一個佇東海大學，一個做國民學校老師，一個佇電力公司， thang講是成功的家庭。