柯安樂牧師小傳  

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

 

柯安樂是柯泉(萬泉)、張雨的子,1876年4月29日,1878年11月18日由馬偕領洗,1914年4月14日在三角埔教會受封牧。

1917年2月17日去世。子柯施恩亦為牧師。(見《教會史話》287)。


台灣基督長老教會第7回大會記錄(1918年)抄
陳清義 「柯安樂e5小傳」   
柯安樂牧師是大稻埕下牛磨車街e5人。伊iau2未出世e5時伊e5父母已經是拜上帝,屬大稻程e5教會。伊細漢e5時有讀教會e5義塾。到1894年有入淡水神學校。1899年有卒業,就受派做傳道師去tiam3幾若位e5教會,就是八里岔,圓堀仔、雞籠(基隆)、奇里岸、南崁、大嵙崁(大溪)、枋橋、三角埔。1914年有考做教師,同年4 月14日有設立做三角埔堂會e5牧師。不幸有染著幾若款e5破病,食藥無應效,就來入ti7馬偕醫院治療亦無采工。不幸(於1917年)2月17日下晡兩點半鐘過往,享壽42歲。後來有將屍体扛轉去in厝,到19日下晡兩點半鐘有來大稻埕禮拜堂葬式。吳牧師做主理,蕭牧師祈禱,陳(清義)牧師讀聖經,郭牧師講來歷,吳牧師說教kap祝禱,來送葬e5男女共有200外人。送葬e5行伍不止次序。逐人真憂悶,因為柯牧師一生e5做人不止得人和,伊到逐所在傳道理有盡本份,m7 na7教會內e5人欽敬伊,就教會外e5人也o-lo2伊,所以一旦聽見伊過往逐人真傷心。
伊做主e5工頭尾20年,做傳道師15年,做牧師倚4年。今伊e5工已經明白,得著主e5揀召,轉去祖家。詩nih有講:「有土地伊e5光贏日頭。若深信就會看到真明。咱e5父tiam3 ti7 hia teh聽候。 有備辦極安樂e5房間。」柯安樂牧師已經去到安樂e5房間。咱亦著向望後日e5安樂,會相見ti7榮光e5天國,就是thang koh再kap柯安樂牧師相見,來tiam3 ti7安樂e5房間。
現時柯牧師娘kap伊e5子兒iau2 tiam3 ti7三角埔禮拜堂,請逐家替伊祈禱,hou7伊e5心會得著受安慰。伊e5丈夫安樂已經得著安樂e5房間,所以m7免過頭憂悶,著向望別日會到安樂e5房間,來kap伊e5丈夫安樂相見,享受久長安樂e5福氣。
-現時柯牧師娘kap伊e5子兒iau2 tiam3 ti7三角埔禮拜堂,請逐家替伊祈禱,hou7伊e5心會得著受安慰。伊e5丈夫安樂已經得著安樂e5房間,所以m7免過頭憂悶,著向望別日會到安樂e5房間,來kap伊e5丈夫安樂相見,享受久長安樂e5福氣。
 

 

 

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述