世界最遠的出山

[李嘉嵩撰] 「數念好人好事 世界最遠的出山」《台灣教會公報》915號 1963年8月 p.10 按：魏德凱牧師（Rev. Richard A. Webster）的元配魏榮美，1963年7月17日因癌症在美國去世，卻從美國運屍到台，7月22日埋葬於橄欖山。她是橄欖山營地的創始人，去世前寫了一本見證小冊《祂完美的道路》。  

佇(1963年)7月22號下晡4點，佇台南市外(永康)那拔(Na2-̍poat8)園的橄欖山，hia有一具對美國運棺來的棺木佮身屍佇hia埋葬。葬式的時有本省人，有外省人，有美國人，也有 英國人，日本人，約欲4, 500人去參加。這次的出山，一khun3對太平洋的東爿岸美國的所在用飛機運來到台��，���共欲到15000 哩的遠，通講是一次世界最遠的出山。

怎樣thai2會出山來到遮遠的所在neh。若有看新聞的人穩當攏知，伊是一个橄欖山靈修會場的創始者，魏德凱牧師娘。

���今年才45歲，有留魏牧��佮一个後生14歲佮兩个查某囝11歲，8歲。 魏牧師娘是牧師家的孤生���某囝，自細漢8歲的時，因為聽著中國內地會的宣教師，報告佇中國傳道��的情形，受著感動，就奉獻愛做中國的宣教師。到長成讀聖�����學院，讀大學都攏無放拺這个志望。魏牧師是讀化學工程的，總是後來夫婦同心��身參加佇內地會，來到中國四川傳道理。

民國37-38年大陸淪陷，����牧師夫婦一旦轉去美國，後來閣來台灣，佇台南閣開始傳教，直到現在。

論起魏牧師夫婦的傳教，���在有夠誠心，有夠熱切，尤其是in對青年學生的愛護是夠額予接受著的人終身數念。又閣牧師娘本身也欲做主婦，也欲做老母 io三个囝，閣欲做牧師的秘書，猶過本身有時到省立女中，有時到光華女中教英語查經班，有時開主日學佮兒童佈道班，而且魏牧師所設的校友團契，對青年學生 傳道的工，差不多毋捌一擺伊綴無著。

讀本報(《台灣教會公報》的人敢少人會記得佇1956年的1月號有一篇「美國的主日學，」這篇就是魏牧師娘寫的。筆者託伊寫這篇稿以後，魏牧師無拍算予蘭醫生宣告講有染著肺病，著停工歇睏。夫婦兩人大受打擊，閣決定欲回國靜養，猶過魏牧師娘因為欲照約束，所以佇一兩點鐘久的中間就用typewriter拍了了，提來到予我翻譯通落報，這就通看出伊的做工的精神佮能力。

一家回國了，佳哉魏牧師有較勇，一家就閣chhoa7來。總是做工年外久，牧師娘受檢查又閣發現著講有子宮癌。TaN一家閣受試煉，就閣chhoa7轉去打揲症頭。真奇妙，子宮癌症無閣發展, 自按呢好去，一家又閣相chhoa7來台南。病中真濟朋友，親戚共伊探病，慰問金錢。牧師娘毋甘用，就攏寄付來建設一个靈修會場。橄欖山的創設，就是對按呢實現出來的。

夫婦用橄欖山做中心，奔走打拼的時，無拍算大試煉閣到，這次講是肺癌，怎樣試煉會遮重ah。In的傳福音是真熱烈，真有效果的，總是in的試煉是若親像約伯所拄著的。結果又閣著回國，閣teh掛慮驚了這次轉去敢袂通閣相見。總是回國了病逝 就無閣進行。牧師娘心心念念都是數念中國，數念台灣佮橄欖山，所以看病狀無真沉重，就佮一家佇今年頭閣帶著病的身軀冒險來台灣。

可惜來到位，醫生無准伊做工，自按呢繼續養病的生活，總是牧師娘的精神真飽滿，因為無需要不時倒床，所以不時笑gi7-gi7，接人客，寫字，拍 typewriter，按呢做工。到佇最近一面身軀加艱苦，一面聽見美國有新的治療法，所以才閣轉去美國就近醫生。可惜病情已經沉重，佇這个7月17號才過世。

這次遮裡遠的出山，是照伊的遺願來做的，身屍棺木對美國用飛機載來，著經過欲到一萬五千哩(英里)。TaN伊的身軀有葬佇中國的土地裡，永永遠遠做橄欖山的土。看著滿心誠實熱切的魏牧師佮三位細囝綴佇棺木teh出葬，大家無毋替in同情。求上帝憐憫。