公埔教會陳成長老

 

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

許振芳撰 「故陳成長老」《台灣教會報》484卷,1925年6月 .p.15-16

陳成(陳萬成),生於1860年,歿於1925年4月10日,享年65歲

請參見《教會史話》 578 陳居昆仲堅定不移


 陳成長老出世ti7 1860年,水返腳1保長坑庄長成,老父陳番,有2個兄弟就是陳兄,萬居、陳連弟,陳萬連

(1) 歸主e5原因陳番伯是ham-ban7人,遇著親族扑死人,著人命,人beh掠in摃番頭。番伯聽見講入教不止有勢力,就將大子陳居hou7伊去入教,來致蔭1家m7免被人欺辱。後--來居仔知影道理是真,就招小弟兩人相chhoa7同行天路。Hit時番伯看見子兒攏去入教,知影後來會無公無媽lah;就反對講:「我是hou7居仔去入教,來致蔭咱1家。今lin兄弟仔攏去,我beh ng3望甚物人mah?」M-ku2道理是真,耶穌e5吸引力那大,兄弟仔那熱心服事上帝。

2) 老父e5 khun2-tiok8Hit時番伯看見子兒入迷hiah深,有時苦勸勉勵,有時哄喝講Hem7 thang-真實去入番仔教。」 總是in兄弟仔堅固信,攏無驚。後--來番伯看了絕望,就發出殘忍e5心,舉搥仔直直追直直jiok,beh ka7 in chan5死。佳哉chan5無著,兄弟仔看了危險,就逃走到山空,來閃避老父e5受氣;hit時抵teh 過年。番伯看見家內清淡,雖然有1隻豬beh?,想著子目屎流,就託林水長老ka7 in e5子講:「Lin老父受氣較落ah,託我chhoa7 lin兄弟仔轉來。」弟仔聽見老父受氣較落lah,就相chhoa7轉去,無偌久老父就過身去。

3) 陳成長老做教會e5工有做水返腳教會e5執事,後來兄弟揀伊做長老。到1919年來東部鳳林e5教會,教會選伊做長老;ti71922年移居來頭人埔就當公埔教會e5長老。

(4) 陳成長老升天陳成長老ti71925)410日平安過世,享壽65歲。11日會葬式,有160外人送伊到山頭,也有聯軸80外枝,實在真盛況。今伊e5家族ti7 chia 20外人攏熱心toe3序大人e5腳步。伊e5孫仔就是陳添旺牧師。

論陳成長老e5仁愛koh講幾句。伊對教會盡忠熱心。對伊來頭人埔了後,教會受伊致蔭,會友較熱心,出錢較甘願,有自覺ai3 beh請先生對伊e5奮動。伊未來chit間教會親像火bh hoa去 ,今仔日有ng3lah;禮拜日聚集有百34人。可惜教會薄福。伊ai3我來,我到位兩禮拜,伊就安心轉去,放教會e5重擔teh hou7阮擔lah

 

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述