「滿雄才牧師 陳復生牧師 追思禮拜」 《台灣教會公報》1047、1048號合刊 1969年2月 p.22 白話字原刊，錄漢羅譯。

滿雄才牧師(Rev. W. E. Montgomery)，1882年生，1909年來台灣，1936年回國，1968年12月27日去世，享壽87歲。
陳復生牧師，1927年6月10日生，1969年1月30日在英國愛丁堡（Edinburgh）去世。關於陳復生牧師去世，有王成章的報導 見於《瀛光》239期(1969年3月刊 .P.23)，參見陳復生牧師在英歸天。

(1969年)2月4日上午介紹各教派各機關代表以及新任的宣教師了後，有舉行滿雄才牧師以及陳復生牧師的追思禮拜。滿牧師佇(ti7)咱台灣教會作宣教師40年久，當中學的校長，公報社的主筆kap經理，以及台南神學院的院長。佇舊年12月27日受主所詔離開世間。（滿牧師的生平詳細已經介紹佇1月號公報）。總會有請楊士養牧師來講滿牧師的略歷。 也有請鍾啟安牧師介紹陳復生牧師的生平，了後全體起立2分鐘的默念。

陳復生牧師是派佇馬來西亞的海外宣教師，現在佇蘇格蘭 teh 攻讀博士的學位。論文已經完成預定 4月節結束，無拍算，忽然腦溢血別世。 鍾啟安牧師佇介紹中講 陳牧師今年chiah 43 歲，少年時讀師範大學。 了後服務佇基督教山地醫療團幾nā年， 而後去英國吳生大學(Goshen College)， 得著文學士。 Koh 進普林斯敦神學院得著神學士 (B.D.) kap 神學碩士 (M. Th.)。 對舊約的研究不止有成就。 就倒來台灣神學院任教。 Hit時有kap 李兆蕙長老的大千金(李素珍)結婚。 無久受海宣的聘請做海外宣教師去馬來西亞傳道。 伊有2 的千金現在 7 歲kap 5 歲。

陳牧師牧會真成功，做弱者的朋友; bat 有一個受��死刑的人，得著伊每日去ka7 伊安慰kap 教訓，��然教會無歡喜伊án-ni 做， 總是後來這個人有得著解(thau2)放，佇吉隆坡開裁縫店。 也bat 一擺，會友的查某囝仔患著癌症，伊用車tui3 Ku7-南載伊到新加坡治療，替伊設法逐項的手續。

伊也是勇敢的人。��bat 當新馬大會的要職，有發言濟濟勇敢的話。伊講，無講boe7用tit， na2-chun2 有聖神感動伊tio̍h講。後來有受選做三一神學院的董事長， 續接受聘做教授。 伊佇 hia 的中間是一個最受高深的教育的。

可惜佇 1月29 日(30日晨)別世，這是台灣教會的損失， 也是新馬大會的損失。

陳牧師的告別禮拜佇 2月1日上午10點 45分佇愛丁堡市內莫登殯儀館舉行， soà火化。 告別禮拜是前任東南亞神學協會 kap 基金會的執行幹事傅樂民博士主持; koh 有 故人的論文指導教授鮑天賜博士，安德遜博士相kap來主持。 現任英國長老會海外宣道會幹事安慕理牧師kap 牧師娘（Rev. & Mrs. Boris Anderson）有tuì 倫敦專程來赴會。 告別式除親族以外有100 外名參加。