高金聲從福州寄來的批

 

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

高金聲(高鐵,1874.5.15-1961.8.15),1907.6.25按牧

原文(白話字),載於《台南府城教會報》第145號1897年4月 p.26~27: 第146號 1897年5月 p.35-36

參見《教會史話》404及405


高金聲ê批

今年(按1897年)正月間大學e5學生,高金聲,有去到福州入hit所在e5英華書院(Anglo-Chinse College),ai3學英國話kap各樣e5西學。Hit時大社教會e5執事,潘打毛里聽知,伊就順機會差伊的後生茅格(按伊後來改為漢名潘日新) kap伊相kap去。In兩人已經到位入學,teh讀冊;今將in e5消息印ti7下底:

正月24日才開學。學生有200外人,外國先生4人,本地e5先生8人。Hit日teh開學,代先著寫約字,後來點名,點了chian3拜先生,續分約字hou7咱,咱著將約字kap束金銀房稅提去交監院,伊就出收銀單。到明仔日teh讀冊e5時,若有hit張才領有冊。這學內煮食e5人6人,苦力3人。伙食攏hou7 in包,一月日著兩箍。學堂以及樓頂樓下攏是苦力teh拚。

我ti7 2月29日有tu2著一個人來chhoe7我,我攏m7-bat伊,伊講伊是台北府e5傳道先生。亦有聽見伊講這台南府e5實情,所以我扑算伊是老實,我就拜託人去ka7施先生(按施美志,George B. Smyth)講,施先生卻歡喜接納伊。

現時阮這學nih早暗已經有做禮拜lah,前是kan-ta早起時na7-tiaN7。到這幾日才知學生e5實額有236人。近來這學nih逐禮拜e5拜二也有設祈禱會。這福州本地e5祈禱會是逐禮拜拜四e昏。亦逐月日有設一擺少年e5人e5祈禱會,兄弟聚集相勉勵。

Ti7這位有幾若項代誌真奇。Ti7禮拜堂nih查某囡仔會使tit企起講話親像查甫人e5款。兄弟有時teh祈禱會,較濟人隨人祈禱,thang禮拜堂嚷到hoa7-hoa7哮,牧師猶原是an2-ni

有一個廈南人去福州企起,翁某(夫婦)賣糖仔趁食,khiu5儉來hou7伊e5子去英華書院讀冊讀到4、5年續死去。今這陣翁某teh ka7人顧墓。

3月10日我有去一個兄弟e5厝赴祈禱會,看見來赴會e5人真活動。這個人hou7人祈禱這個兄弟,伊本然是ti7英華書院讀冊,tiam3 ti7學內是真歹,攏m7愛道理。讀無偌久就出去別間讀;後來去天津學醫生。到這pang轉來一概變款,續變做真熱心e5人,有時講起伊e5 歹款來勉勵--人,有時去街nih賣冊。有一日伊去賣冊e5時tu2著幾若個官坐轎牌限出,伊就企teh聽候in來。到hiah e5官到,伊就用聖冊分hou7伊,官府有歡喜接納。

Ti7這3月15日學nih有放假兩日久;15我有去美部會(按亞比絲喜美e5略稱,參見《教會史話》86)拜堂禮拜,hit時是teh數念耶穌死e5日。thang拜堂真鬧熱,人坐到that-that tiN7,內面四界排到專專花盆。本地人kap外國人攏去赴。Teh聚會e5時一個人做主理,伊先講幾句道理,後來請外國先生3個起來講幾句勉勵兄弟,也請3個本地先生起來講。到了後就揀12人gau5吟詩e5,起來吟詩。吟了就量12點出在兄弟企起來講,hit日真濟人企起來講。去赴會e5人就是美以美、美部會、安立間(聖公會)e5人。本然無這個會,若到耶穌hou7人釘死e5日就隨人聚集;今是真熱心e5兄弟伊就出來四界請逐學堂e5學生kap逐口灶e5兄弟去hia聚集。我到hia聽道理真正歡喜親像入到聖e5所在。現時福州話iau2-be7講,總是會聽cham2然濟。

這陣ti7這英華書院內e5道理cham2然搖choah,濟濟少年人不止有心ti7道理,廈門e5人抑是福州e5拜上帝e5人逐禮拜聚集做勉勵會。有e5無聚集e5 in攏出去逐所在教主日學抑是傳道理。書院內另外有設一個少年e5基督會,大家相鼓舞ai3道理興旺。我聽人講早年ti7這學nih學生真歹,今到這時我看見攏be7,扑算是對這個少年e5基督會所感化著。


 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述