|
女徒葉堅信小傳 |
|
首頁/ English / Japanese Entries/ 本土信徒 / 史話 / 諸家論述 / 宣教師 / 外國神父修女 / 原住民 / 日人列傳 / 賴永祥著作/ 馬偕周邊 / PCT/ 劉家雜錄 |
|
葉金木撰 《台灣教會報》369卷,1915年12月 葉堅信是葉金木牧師的長女,1903年生,1915年去世。 葉堅信是我所疼e5大查某子。主後1903年出世。對3歲起常常tu2著破病,致到ka chiah骨曲痀。宋醫生kap其餘e5先生盡力ai3幫贊伊得著好,總是無法度。所經過e5艱苦講be7了,到ti7本年10月7日下晡7點鐘hou7主揀��伊轉去。論伊所經過e5狀況我寫4項列ti7下面。 (1) 論伊e5信。伊ti7 3歲e5時就會toe3人嘴尾吟詩,4歲e5時就會曉祈禱;逐暗、逐早起、逐三頓,無be7記tit祈禱e5事,逐暗若無kap人做家庭e5禮拜,雖然真艱苦伊也m7去睏。到伊這擺be7起來kap人禮拜,伊iau2-ku2叫阮著ti7伊e5房間禮拜。到伊beh臨終e5日我看伊e5身軀不止艱苦e5款,我有ka7伊講beh招伊e5老母相kap禮拜,伊真歡喜。我有讀聖經hou7伊聽,講道理安慰伊。我有問伊有煩惱無?伊講攏無煩惱。祈禱煞,伊e5心真平安,形容顯出真歡喜e5款。到伊beh過往e5時路尾句就是講:「阿爸,著來禮拜」就安然過世。 (2) 論伊有孝。對伊會曉tit了後,就常常掛慮驚了hou7父母受氣,有時看伊e5小弟小妹無乖,伊就嫌伊怎樣m7驚hou7父母受氣。伊e5病若艱苦也真gau5吞忍伊e5艱苦,m7敢chak-cho7父母。伊beh離開世間hit下晡,有苦勸我kap伊e5老母講:「阿爸,An2娘,lin攏m7 thang,艱苦是我e5,無要緊,lin若煩惱會破病。」an2-ni有講幾若擺。 (3) 論伊e5和平。對伊做囡仔到別世,伊e5款是真乖,看見e5人攏真疼伊。我m7 bat看伊kap囡仔伴冤家。 (4) 論伊e5天資。我看伊e5身体真lam2就m7敢hou7伊讀冊。舊年有准伊讀,無偌久字母攏學了,真道問答也家己續讀了,後來逐暗攏會kap阮讀聖經。Ti7舊年看人刺phong3紗,刺線e5錢袋,伊就ai3刺,無偌久也攏會曉tit。今我寫幾字ai3 hou7咱學伊e5好模樣。雖然有淡薄thang hou7做父母e5人傷心,iau2-ku2有thang歡喜e5所在,因為上主有好意思煞伊e5艱苦,揀召伊到天堂,久長e5所在,得著永遠e5福氣。著感謝伊e5恩典。
首頁Home/ 本土信徒總檔 / 教會史話總檔 / 宣教師人物總檔 / 外國神父修女列傳 / 日人列傳總檔 / 原住民信徒 / 諸家論述
|