傳道洪德新小傳  

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

餘生 「洪德新小傳」《台灣教會報》425卷,1920年8月

(洪德新)君是番挖(芳苑)教會e5會友。Ti7 11、12歲e5時,去新結庄e5小學佮黃作邦先生讀。16歲入中學,20歲入大學,24歲卒業神學。了後受派toa3北港、鹽水港、鳳山。今過身29歲。
(1920年)7月4號e5主日ti7鳳山高升做長老,也koh無偌久kiam2-chhai2會做牧師。無扑算5號早起10點起寒熱,6號早起8點就寒到哭。對an2-ni舊年e5舊黑水熱e5症koh起。本身就唸講,「世間是苦海,著轉來去較著,我e5心已經便。」先生娘應伊講,「你轉去阮beh按怎?」君無應。後來請彭清約醫師調治,總是君不止無ai3食藥,講「m7免醫,be7好lah。」若是因為婦人人佮醫生e5苦勸,就勉強食,見食藥見吐。逐日那傷重,路尾大小便佮嘴攏出血。拜一起症,拜五暝倚8點就過身。拜六e晡3點出葬。
君平生勇健大漢。老父儉腸凹肚趁錢來hou7君對細漢讀到大漢,ng3望君日後thang做大路用e5人。Ti7 chun5年君e5老父別世。家內只有偆後母佮1個大姊佮1個小妹,總是姊妹攏做客,繼母佮小妹toa3做夥。所以君thang講已經無連累,佮內助thang專心做工。又兼君e5 身軀、學問、德行、年歲,生活計攏相當。Koh經過hit 3位教會e5成績也是差不多。君chit3-tiap8 thang講是第一大thang活動e5時。M7-ku2主e5 旨意是人所be7測度tit。今世間e5事君煞lah。
HaiN3-a! 人e5性命真無定著。Lam2 e5死,勇e5也死。鄙人接著君死e5兆報,掠做滾笑,去探聽幾若位先生,逐家也是講:「敢無影。」我就坐急行車去看,續ng3望beh佮君講話。HaiN3-a! 1下到位,聽見君埋了,心無m7大憨ngiah8。凡若相bat e5先生朋友聽見,也無m7 an2-ni。Koh君平生是平和主義e5人,所以濟濟人為著君大悲傷。若是實在所通悲傷e5,只有是君遺族na7-tiaN7。Ng3望天父照顧君婦人人佮2、3個細漢e5查某子。
若論到君,是m7免替伊憂悶,因為伊e5心備辦有便,實在著替伊恭喜。今「無koh枵、嘴焦;日be7曝,火be7燒著。上帝拭去伊攏總e5目屎。」我也大ng3望會親像君備辦有便thang赴死;到時平安見主。續佮君ti7座位nih 相佮吟「Ha-le-lu-iah. 阿men。」  

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述