一生ê回想 

 

 

李劉鸞 

本文原刊tī 19946月多倫多台灣同鄉會會刊「多城通訊」

相片kap括弧內ê按語是LES新加ê


我tī 1904年(4.29)出生tī台南市元月境街,我今年(1994年)已經滿90歲,感謝上帝特別ê祝福kap照顧,hō͘我心神健康。

ê阿爹是劉大粒劉光求次子,1865-1937),阿母葉巧,我九歲ê時老母去世,我是排行第三ê女兒大姊富,嫁李明道;二姊玉,嫁簡仁北。父母真早信主,是一個基督教ê家庭,我只有一個兄哥幼毛,細漢êkap小妹去太平境教會讀主日學,老師是高候青蓮高再得醫師娘,就是高俊明牧師ê母親。後來,我讀東門女學校,koh進入新樓女學校,就是現今ê長榮女中。我四年畢業後,就幫忙父親 ê店務一直到媒人來提親。

Hit時我已經二十歲了,對方是一位讀台南師範第一屆ê畢業生,是屏東萬丹ê李志傳(1903-1975)。因為伊在學ê時成績優秀,所以留本校附屬公學校擔任教學。我ê 父親疼愛女兒也有去探聽,媒人chia p-chia p來講,tùi年頭提到年尾,就成了。一方面志傳也去請問伊ê老師林茂生先生,伊ê老師伊贊成 講:『這隻鹿á m-thang hō 走去』,伊就安心了,按呢有緣就成婚,tī 19241230日結婚。婚禮是萬丹教會ê高篤行牧師主持ê

婚後,阮有真美滿ê家庭,志傳附屬任教六年滿,(1928就去日本深造,讀東京帝國音樂學院。伊非常愛音樂koh有天份,畢業後,hō͘教授留本校做助教,然後昇做副教授,暑假ê時轉來台灣,chhōa阮母kiáⁿ去日本世田谷中原,tòa kúi-nā年。

在異地想起故鄉有年老ê母親需要有孝kap照顧,所以(1933年伊就回台,對hit時開始,屏東高等女學校教學,總共有十六年久,也昇做高等官,亦有做真chē 曲。光復後,伊擔任屏東高女ê校長有三年久。然後去台北市政府擔任督學。台北ê時,特別組織教師交響樂團,熱心教育。伊教育界五十外年ê貢獻,到 65歲退休後,台北嶺頭台灣神學院擔任音樂主任。

攏總有四男六女。大kiáⁿ(秋笙) tī日本橫濱讀醫大,現在東京自由丘開業婦產科醫院,東京神教會事奉。二kiáⁿ(東啟) tī台北一銀總行就職30外年,差不多beh退休了,現在台北仁愛教會。三kiáⁿ(省三是日本福島讀醫大,現在福島開業外科、胃腸科醫院,也福島市基督教會做執事。五kiáⁿ (信雄)tī多倫多SPAR公司就職20外年,現在多倫多基督徒之家事奉。大女兒琴月以前台北和平國中教28年,現在已經退休多倫多。二女尚美以前屏東女中就職真chē年,現在tòa多倫多,聯合教會事奉。三女春美師大畢業後大同中學教音樂,現在美國印地安那州ê白人教會事奉。四女惠美師大美術科畢業,台北市女中教美術,現在明尼蘇達雙城教會事奉。五女壽惠銘傳高商畢業,前在育達商業專科教銀行會計,現在tòa多倫多,聯合教聖歌隊。六女滿美台灣大學醫學院畢業後,去美國羅鎮市,前在梅友醫院就職九年,現在夫婦查經班kap白人教會事奉。

第二次世界戰爭ê時,物質欠缺,疏開去舊寮鄉下,我毒蛇咬tioh,生命危險,佳哉無死,感謝上主ê保護。我也勤種菜、果子、木瓜、kin-chiohan-chû等等攏有,當時是何等辛苦,但是總講一句,感謝上帝ê照顧阮攏平安。 

阮注重kiáⁿê教育,tùi細漢來認bat主,大漢chhōa弟妹去主日學,有相疼,有規矩,因為主ê教示,勝過一切,阮心就平安,現今每家庭ê 人攏khîn-tiâu tī主,che是上帝特別ê祝福kap恩典,阮感謝無盡。 Tī 18年前(1975.12.29),我ê丈夫忽然心臟發作去世離開阮,我非常傷心,不知如何。但是一切攏是主ê旨意,我beh the̍h出勇氣,有主ê安慰。聖經教示咱,你若憂悶,著愛祈禱,你若歡喜,tio̍h-ài吟詩,萬事交託主,ài用誠實ê心,主會替咱開路。

這次聯合教會tùi 94130日開始成人台文班kap羅馬字來學習台灣語言,特別請吳醫師百忙中,tùi漢米頓來指導大家。雖然我對羅馬字是本行,但是我beh率先 做青年人ê榜樣,我也參加。咱應該熱心來學習,m-thang hō bētitê母話,做一個台灣人bē-hiáu講台灣話,kiám-m是真làu-khùi,我簡單想起一點á來寫,多謝,大家平安。

註:本文原刊tī 19946月多倫多台灣同鄉會會刊「多城通訊」。李劉鸞女士是台灣民謠「咱台灣」作曲者李志傳先生ê夫人。伊對人親切溫柔,記持真好,是咱台灣人典型ê母親,多倫多真受大家ê敬疼,攏叫伊「阿母a」。台文通訊