陳群英長老小傳

 

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

梁秀德 「小傳陳群英長老」 《台灣教會公報》465號 1923年12月 p.11-12

陳群英(1858-1923)43歲領洗,曾任彰化教會、員林教會長老。


群英長老是ti7彰化附近福仁坑(宰人坑)e5人,出世ti7 1858年12月14日。伊ti7 3 歲無老父,11 歲無老母。家內散hiong,常常著去山裡拾柴thang做三頓e5路用。後來有來企起ti7(彰化)城內。

Ti7 25歲e5時,有娶長老娘(現時iau ti7 leh),有得著兩個後生,兩個查某子。伊ti7彰化有做縛棕蓑e5頭路;照看有thang 平常過日。Ti7 39歲e5時,有1日抵著破病beh去提藥,行到觀音亭口,聽見1個西國人(就是梅監務牧師)teh講道理。神e5劍有chhak8著伊e5心,對an2-ni反悔來信耶穌。平時食烏薰真大,致到伊e5子出世攏著ka7伊霧薰煙。總是40歲e5時,有隨時改薰到離,到43歲就來領洗禮。

46歲e5時,有受設立做彰化教會e5長老,接續頭尾年任職9年久。後來ti7  54歲e5時,有徙來toa3 ti員林,ti7 chia做賣菜籽e5頭路;63歲有koh當員林教會e5長老,不止出力鼓舞教會e5精神佮財政。

Ti7 1923年7月19日e晡1點鐘有起盲腸炎忽然真傷重,ti7 20日e晡8 點鐘有佮世������辭,安然去睏。享壽66歲。Ti7 29日1點舉行葬式,倚3點出葬。會葬者攏總倚500 lian5人,有彰化、溪���、崙仔、田中、二水e5教會,倚200人左右來鬥同情。Koh有從中幾若教會以及街nih紳商e5弔軸。實在真盛況。

Chit個人有thang做咱模樣e5所在。我舉起幾若項來講:--

(1)教會失落1枝手。對伊得救以來,或是用品行抑是用嘴舌,有牽濟濟人來信耶穌拜上帝。Ti7財政來講,伊有克勤克1 年甘願獻成百箍ti7教會。今無lah! 教會減1 個gau5招呼人e5佮gau5鼓舞財政e5 lah! 所以講教會失落1枝手。

2) 社會失落1 個人。有時伊本身e5、抑是所用e5物,若有小可歹,伊無隨時koh買,伊著修到攏boe7用得才hiat-kak8。萬項真節儉。有利益人e5事,伊甘願出,總是kan-ta做奢花e5路用,伊m7甘願開。實在大大thang做咱e5模樣。今社會減1個經濟者lah,所以講社會失落1個人。

(3)傳教者失落1個幫贊。Bat聽見講,有時先生失錯抑是做事誌較chhong-pong7,伊就好膽暗靜來苦勸伊。也bat佮先生做夥去佈道,來佮伊講道理,m7免hou7伊lek8聲過頭。Koh再不止致意先生e5過日,有時驚了伊欠缺,有時驚了伊為著無夠thang用,會致到失志,就常常來佮伊談論,贊伊強志壯心。今無lah,所以講傳教者失落1個幫贊。

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述