傳道陳啟清 (1861-1917)

 

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

劉俊臣牧師撰 「陳啟清e5小傳」 《台灣教會報》386卷 1917年5月


陳啟清,ti7 1861年出世ti7二八水(二水)街。先生細漢父母就過身,家內散hiong。未聽道理teh賣茶。差不多31歲 ti7二八水聽見養兄(謝養)講道理。心肝teh想這個道理真好,若hou7我有趁淡薄錢,我就beh來去禮拜堂聽道理拜上帝。有1擺做生理趁兩箍銀,就果然來禮拜。猶原做賣茶e5生理。有1擺對北港買熟薰入埔里社賣,店內e5伙計加提兩包hou7伊,到倒來客店算了有加,就liam5-mi koh提去還伊。這是先生信主e5忠直得著救e5憑據。

明治26(1893,趙時回先生趙挽,參見傳道趙時回小傳換去崙仔庄做傳道先生,kap伊不止親密。若去別位做生理倒就去chhoe7伊坐,請教道理。安歇日早早就到拜堂讀聖經、學道理。對an2-ni趙先生看伊是熱心e5會友,就舉荐伊去台南醫館做傳福音e5工。果然盡本份,hou7醫生kap學生以及病人逐家不止尊敬伊。 

M7 na7 ti7醫館講道理na7 tiaN7,也常常ti7城內四界巡會友e5家;因為an2-ni台南e5長執那知先生e5熱心可取,就請伊做本太平境e5宣道師(1896-1906)。可見城內無論會內會外濟濟人bat伊。也濟濟人對伊e5嘴聽見救世e5真理來反悔信主。 

先生細漢無讀冊,那盡本份做工,就那知伊be7tit,就kap當職人參詳著1hou7伊去讀冊,1chhoe7會友。後來教士會承認伊做傳道師,kap別人平等,就派伊去tiam3蕭龍(佳里)、牛挑灣、木柵、番挖芳宛-chiah e5教會。果然盡忠做伊e5工,會友對伊得著利益。 

大ng3望伊久久做這個工,無扑算伊ti7本(1917)年正月間患著病症,就來台南黃仁榮先生e5店(仁榮藥房)食藥月外日,有漸漸較好,也會去四界chhoe7朋友。後來接著批講伊e5先生娘破病傷重,就liam5-mi倒去番挖(芳宛)。連連三暝來照顧伊,為著an2-ni無眠舊病koh起。Koh來黃先生e5店兩日,就ti7本(1917)年2月22暝安然過身。伊e5先生娘以及2個後生、3個查某子猶細漢,求上帝安慰in e5心,hou7 in無煩惱過頭。也向望看報e5會友,會學先生e5熱心服事主,是心所願。

 

 

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述