陳萬連的小傳 (1863-1930)

 

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

陳添旺記 「陳萬連的小傳」《台灣教會公報》550號 1931年1月 p.19-20

按: 陳連(陳萬連)長老,1863年10月10日出世,1931年9月25日去世;伊是陳番的三男,兄有陳居(陳萬居)、陳成(陳成)。請參見《教會史話》 578 陳居昆仲堅定不移 公埔教會陳成長老


看死若睏,臨終免驚。 雖然老弱病真久,總是看伊死真正看活;佮孫仔講話,講到身軀無力偃頭來死。 彼早起就共伊的婦人人講:我今仔日免到暗就欲予伊好勢;真正安然歸天。伊是主後1863年10月10日出世,今年享壽67 歲。 伊有4个查甫囝,5个查某囝,tuì阿兄來算,有到五代孫。
伊的來歷是無啥好聽,毋過也有可取,所以寫淡薄佇紙面予咱知。
伊的祖先是耕農做業,繼續無làng。 前時踮保長坑,屬水返腳教會,1918年兩兄弟徙來鳳林,1921年閣徙來頭人埔(徛佇大庄)。 信道理有徛45年;1889年tuì偕牧師領洗禮;1908年受揀任水返腳的執事11年,後來徙來東部。
信道理的原因有2項: (1) 予鬼神作弄,不時犯討神討煞,變到真艱苦。 (2) 有同宗拍死人,驚了予伊連累。(清朝時代)。 彼時陳熊(後來當長老)真熱心chhoā伊歸主,起頭伊的老父允伊的大兄(陳居)聽道理,向望來致蔭全家。 大兄知影道理好,就chhoā伊二兄(陳成)去禮拜。 所以伊的老父講:三個囝去兩個,猶有一個通按香爐耳。 毋過後來伊也受引chhoā來信主。照屬前人講:入教死無人孝,無祖宗無公媽,是絕嗣一樣。 所以伊的老父,看見三個囝攏去信道理,就真受氣,時常窘迫,燒刀磨利利欲刣囝。 三個兄弟聽見就逃走,按呢幾若擺 。 捌一擺禮拜日囥屎���佇田裡,也三兄弟相chhoā去禮拜,致到老父真受氣。 路尾擺過年欲刣in,致到走到無人���刣得,家己又無法得,想了流目屎,彼時chiah差老母佮小妹去叫;了後chiah較無窘迫in。 後來伊的老父chiah家��做活公德寄庫,向望死後通得。 按呢通知,伊對重死後的��係真深。
In兄弟真致意主的道理,雖然受外界的褻瀆,老父的迫害也毋甘願放煞。 信主了後,致意���白話字,勤讀聖經;毋敢佇家內讀,著去佇草寮顧賊仔的時罩佇棉被內來讀,勤守安歇;盡力出緣扶助教會,當水返腳教會獨立的時代佮二兄(陳 成長老)通講4柱當一柱。 移居佇鳳林猶原盡力鼓舞教會;徙來頭人埔閣鼓舞設拜堂,請先生,通講佇逐時,逐位伊有近主的道理。
欲來東部的時有立願近3項:-
(1) 愛近有禮拜堂。 (2) 愛近有學校。 (3) 愛有醫生的所在。 若有這3項,就對神、囝孫以及肉體有所依賴,通免煩惱;也果然足in的心願。
兄弟真和睦,大兄早過世,總是佮二兄逐項公共經營,好參詳。 徙來鳳林的時聽外人teh呵咾in真和好講:若看一人就有兩人相隨,罕得孤單。
徙來頭人埔了後,身體ná軟弱;家事予囝兒設法。 家己勤讀聖經,研究四書;若有朋友來坐就講道理予in聽。 致意吩咐囝兒著堅固守道理。 到2,3年來病症ná重;佇9月25號頂晡10點安然好睏歸天。 27號下晡出葬,會葬者有200外人。 今伊明白世間事,向望囝孫學伊好所行,請看報相疼好朋友相替祈禱,安慰家內大細。
(這人是我的三叔,毋是愛呵咾伊,不過寫予列位相知知影;若有可取就予咱通學)。

 

 

 

 

 

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述