摘錄「模範母親列傳」《台灣教會公報》845號1959年5月 p.25-26 原文是白話字。

按：東港曾有個長老名林賜，生於1887年12月25日，而歿於1956年3月9日。父林振成。乳名是林天賜，或者想和楠梓的林天賜長老（1868-1923）有別，就以林賜稱之。妻周怨（1891-1980），1908年12月9日結婚。是姨表兄妹。1918年起慕道、至1957年10月6日始由黃仁壽牧師領洗。協助多病夫婿料理家務有方，替人剪裁衣服補貼家用。她是一位地方基礎工作者，自1937年起服務「鄰組織」，任鄰長二十餘年，以「阿婆鄰長」聞名，1959年當選為屏東縣模範母親。（參見《教會史話》 468）。

周怨女士

伊是屬高中東港教會的林賜長老娘，69歲。出世佇東港鎮周家的第3查某囝。家庭散赤，老父早死，頂無兄下無弟，舉目無親，佇十外歲老母佮姊妹全家5口的生活，就只有靠伊做工維持，閣收養族內孤獨的五嬸婆，三頓oh過，貧寒到極。

到佇18歲，拄好姨表兄林賜長老父母早死，兄妹兩人無依倚，才招伊做丈夫。彼時林賜長老身軀衰lam2，常常破病，拄仔信道理。伊就小心照顧，予伊身軀na2勇健。後來佇就職生活，待遇稀薄，囝兒襤褸的時，伊就替人做衫褲，趁錢鬥幫贊。佇做事業失利了錢的時，攏無怨言，反轉用好話溫純勉勵伊。夫妻結婚48年久相敬相愛，毋捌吵喙。

對囝兒真注重宗教教育，閣佇50年前就予大查某囝讀國民學校。 閣本身當甲長、鄰長22年久，予厝邊社會真欽仰。

今感謝上帝有祝福佇伊的家族，雖然佇3年前（1956年）林賜長老離開世間，猶久有予伊身軀勇健，家庭經濟毋是富裕，總是可以過。伊 有3男4女，大囝鉻恩服務屏東縣政府，捌當東港教會的長執。 二囝鉻典就職東港中學，現任東港教會長老，三囝鉻經佇萬丹經營五金店。大查某囝首鸚嫁萬丹張祥佃（良兆）長老。二查某囝嫁萬丹娥伍傳長老。三查某囝絃琴嫁屏東楊清輝執事。四查某囝婺滿嫁關廟新豐教會董玉鉻宣道師。內外孫佮曾孫有30外的。向望所有的榮耀歸予主。