故紀發長老

 

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

孫鴻沂撰 「故紀發長老」《台灣教會公報》 978號 1966年3月15日 p.11

按:紀發長老是二林紀珍的長男,4歲時母親去世,父親再娶洪邁 (紀溫柔牧師就是伊所生)。紀發15歲時信主,一家移居原斗(叫做"新結庄",後叫丈八斗)。伊娶鄭潔紂為妻,育5男2女,依序是長男紀溫固(長老,妻許粉長老)、次男紀明申(牧師,妻侯素娥)、長女紀玉蘭(適郭和烈牧師)、三男紀慶賢、四男紀慶順、五男紀慶誠(長老,妻林善)、次女紀玉桂(適陳以樂)。


無一定著做出驚天動地的事的人chiah是偉人,反轉佇平凡的生活中有非凡的成就的chiah是真正的偉人。 佇創世記5章23-24節中講起一個平凡的人以諾。伊的非凡的所在是因為佇伊365 歲的生涯中會thang 佮上帝相佮行300年。

故紀發長老佇15 歲的時信主,因為受窘逐,就對二林,一家5 个人搬來原斗,當時因為按呢,所以原斗 chiah叫做"新結庄",聽道理的人相kap khiā起的庄,伊的老母佇伊4 歲的時就死。所以伊的老父就koh 娶後母。當紀發長老18 歲的時,伊的小弟"異母弟" 紀溫柔牧師出世。伊佇35 歲的時老父就死,一家的生活重擔攏佇伊的肩胛頭,雖然是按呢,伊看小弟gâu讀冊,就hōu伊去彰化讀當時"長榮中學的預備科",是黃俟命,戴反(戴榮旋)等牧師佇彰化教會所辦的學校。6年的課程做3 學期就讀了,就受西螺教會林謹慎牧師的介紹,去投靠台南神學院。後來看伊的第二囝紀明申牧師猶原會讀,就續hōu伊去,當時伊m̄-是有錢,反轉是負債,若是伊 "凡事感謝" (I Thiap 5:18)。伊講亞伯拉罕空手出"哈蘭",若是上帝有對伊講, "我beh hōu你成做大國,我beh賜福hōu你,hōu你的名最大,你亦beh hōu人得著福氣" (創世記12:3)。

故紀發長老佇這月日(3月) 2日享壽87 歲,soah伊的工程入佇主的安歇。伊本身無讀冊,總是因為伊有佮上帝相佮行,所以上帝也照伊的話祝福佇伊佮伊的囝孫。

囝孫有80 外人,中間牧師一個,傳道一個,教授五個,長老四個,執事一個,神學生五個,出國留學準備為主做工兩個。


 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述