紀福讚《各各他ê目屎》黃伯和序 蘊藏新生命ê種子

 

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

黃伯和撰 「蘊藏新生命ê種子」 2005年11月20日寫 序於紀福讚《各各他ê目屎—苦難得安慰》。

原文是漢羅台語文,為漢文讀者方便,收錄時羅馬字多改為漢字。


紀福讚牧師佇美國監獄服刑期間,不斷以台語寫作來充實伊的獄中生活。過去幾年來,我陸續接著伊寄予我的文稿。佇chiah的作品中,除了以台語表達的特質外,文章內容包含對台灣鄉土的關懷,信仰真諦的探索,以及對人性善、惡kún-kà 的沈思。相信chiah-的文字對伊佇獄中的日子,一定是對內心發出,有深刻的內在意義。

人毋是聖,佇落難中ē-tàng khîⁿ-tiâu信仰,保持向望,這是基督教信仰予人的特權,也是難得的福份。當然,真實的向望必須是對四周圍環境的和解佮饒恕。生命的悔改佮新生需要真濟人共同付出愛心的代價。我相信chiah-的文字的背後新生命的種子。 對作者本身、對讀者,甚至對四周遭bat受著傷害的人傳達謙卑、悔改、饒恕佮合好的信息。因為佇各各他受釘的主耶穌留予咱的教示佮典範。因為「基督親身kā咱的罪帶到十字架頂,予咱無閣生活佇罪中,kan-taⁿ為著公義來活。因為伊所受的,恁得著醫治。」(彼前2:24)

經過chiah-nih 濟(多)年,日前接著豐惠姐的批,kā我講beh將紀牧師的文章聚集成冊,而且ài我替冊的出版寫序。我真心向望這本冊的出版,ē-tàng帶來改變佮換新,生出向望佮新生。

(本文作者黃伯和牧師現任台南神學院院長)  


 

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述