紀福讚《各各他ê目屎》蔡茂堂序 流目屎ê神學

 

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

蔡茂堂撰 「流目屎ê神學」 2005年11月13日寫 序於紀福讚《各各他ê目屎—苦難得安慰》。

原文是漢羅台語文,為漢文讀者方便,收錄時羅馬字多改為漢字。


紀福讚牧師是我一向真尊重台灣神學院的教授。佇 1991年7月間,當我接著由International Theological Seminary 所發給我的 I-20,拄teh準備申請留學簽證前往美國台福神學院進修M.Div.學位的時,突然傳來予人無法度相信的消息—台福教會牧師刣死教會執事。有真濟教會前輩勸我mai3去台福教會事奉。

經過祈禱,我iáu是決定全家搬去洛杉磯。按呢siⁿ,我有機會進一步認識紀牧師,通過幾nā擺的探訪佮批信的往來,慢慢佮伊成做好朋友。我非常鼓勵紀牧師佇獄中將伊的信仰體驗寫落來,將來成做真濟(很多)人的幫贊佮祝福。

今日收到豐惠姊電傳來這本將要聚集出版《各各他ê目屎》的電子檔,我的目屎也忍bē-tiâu。這是一本用目屎一字一句佇監獄中所完成的靈程日誌。

苦難一直是人類所不願意承受閣無法度完全逃避的生命事實。聖經中,咱ē-tàng看見充滿著各種的苦難:對創世記開始,有亞當的苦難、夏娃的苦難、亞伯的苦難、該隱的苦難等等,一直到啟示錄經過白色寶座審判了後佇火湖中的苦難,聖經ē-tàng講是一本��難百科全書。佇chiah-nih 濟(多)的苦難當中,siōng 予咱深思的是舊約中約伯所經歷的苦難以及新約中耶穌所經歷的苦難。頭前的(前者)是對(從)哲學的角度來���像苦難的可能意義,後壁的(後者)是對(從)救贖的觀點來解釋苦難的最高意義。

這���本書是紀牧���佇苦難中的心血結晶,咱ē-t��ng看著紀牧師對這世界所發生各種tāi-chì 的社會學分析佮神��反思。非常向望有���氣讀著這本書的讀者,ē-tàng 對(從)冊中得著紀牧師佇苦難中反思所產生���人生智慧。亦祈求上帝恩待紀牧師,予伊佇經歷這一切苦難了後,信仰不只ē-tàng khiā-chāi,閣 ē-tàng發出���過苦難了後的黃金的光輝。也祝福紀牧師ē-tàng早日出獄,閣一遍為神國的擴展佮咱同齊努���。

「流目屎iā種子--ê,beh 出歡喜ê聲收割。」 (詩126:5)

「歸暝雖然有啼哭,早起時就有歡喜。」 (詩30:5)

Ǹg望一暝苦難烏夜所流ê哀傷目屎,ē-tàng帶來早起歡呼收割ê喜樂目屎。

(本文作者現任台北和平長老教會牧師)


 

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述